Awakih Uddur Qafar Baaxo Faxxam Tuddagiinâ Naqoosinnak Sinnii kee Sinno Ummatta yayyaaquh Taamita Mara: Cajji Awwal Qarba

Addis Ababa,Caxah Alsa 06,2018 (FMC) Awakih Uddur Qafar Baaxo Faxxam Tuddagiinâ Naqoosinnak Sinni kee Sinni Ummatta yayyaaquh taamita Mara kinnim Rakaakayak Naharsi Saqal Cajji Awwal Qarba Qaddoyse.

Qafar Rakaakayak Naharsi Saqal Cajji Awwal Qarba Dubti Daqaaral Qafarak Dooren Dariyyih interpirayzi Murti kak Orbisam qembiseh yan Sirray Buqrey,Tonnah Orba kak xayyoowak Geytimta Sirray buqre kee kalah kaadu Buqre Biiro Sirray kee Ruuzuy, Kalah tan Murtitteh Samaday, Nibaaxoh yakke kak meexak Samad Maysaasa kak Aboonuh yubqureenih geytimaanat Gufne Abe.

Tama Gufneh Aracal Rakaakayak Naharsi Saqal Cajji Awwal Qarba Qafar Baaxo elle taamiteenik faxe murti elle yaakubem xiqa baaxo kinnim kassiisak, Milaaguk Lakal Sirray Buqreh Baxsale hangi Acayuk le interpirayzi kah Xisak Xaloot le Taamoomiy Ceelallo takkem Xiqta Akkuk geytimtam yescesse.

Rakaakay Caddol Takkeh tan Sirray kee kalah tan Buqre Taamoomi Qasri tekno loogit Cattiimak kah takkennah faxximtah tan Mansoofa kah Xaamak Daddoosul Baad Maade Caddo Kah Maadnannah taamitak geytimaanam yescesse.

Tonnah Rakaakayak Buqre Biiro Sirray Murtik 100 Qaynatih Samad Abaqaruk Ni baaxoh yakke Murti kak Dooroonuh Abaanah yanin taama kee tonnah kaadu kalah tan Murtittek Samad yaysaasoonuh Aban taama Assakat lem diggoyse.

Awakih Uddur Qafar Baaxo Tu-Dagiinah Naqoosinnal Yangiicilleeh, Ummatta yasgiicilleeh, taamita Mara faxxam Asacassuk, Qafar Ayyunti Doolat daffesse afkanitte daabisoonuh Elle Aninnaan Rikel Sinni kee Baaxo milaaguh Daddoosul Ugtam Faxximtaamih farmo tatrusem Qafarak Mangaffa Rettimah Oyti Yascasse.