Awroppah Shampioonis Liigih Qalayli
Addis Ababa, Caxah-Alsak 30, 2018 (FMC) 20 Dokon Rubsuusak 16 Dokonih Fanal Yakke Digirih Mafdagal Gufteh Tan Shampiyoonis Liig Qalaylik Qimboh Exxah Digir A Ayyaamih Addat Gexsitele.
Rubqi Gaba Kalti Fan Taturoonuh 16 Takke Dokoonitteh Fanal 6 Engliz Dokonitte Kinnon.
Engliz Pirimerlig Miraacissah Tan Arsenal, Asanat Qaran Gubi Gudgudih Shampiyoonah Qabursi Caddol Ayseleemih Akkal Akah Yontocowweh Yan Dokon Kinnuuk, Optah Mekeelissol Rakiibo Abak, Shampiyonis Liig Kaas Ugussuh Boolul 27 Gaba Naharsi Akkal Akah Yeceenih Yaniinim Qaddowte.
Ta Optah Kompuuter Mekeelissol Rakiibo Abak, Arsenal Katayak Bater Munik, Liverpool, Manchester Siiti Kee Barseloona Qabursi Qaddol Yaakumik Ciggiilil Daffeyteh Geytimta Dokonitte Kinnon.
16 il Mayso Tatruyyih Digiirih Jarmanak Bayer Leverkuseni Lih Missowteh Tan Arsenala, Rubqi Illacabot Tangalu Waytam Tekkeki, Addah Tan Caddoh Akkal Akah Yontocowweh Yan Sporting Lizben Kee Boodo Gilimitik Aysinnaan Dokonu Lih Angaarawele.
Ta Kilbatti Londonih Dokonuh Tan Arsenal Ila Garab Illacabo Fan PSG, Riyal Madrid, Bayer Munik, Manchister Siiti Kee Liver Pool Innah Tan Dakoonitte Lih Matangoorowa.
Arsenal Katak Asanati Qalaylil Maysoh Akkal Akah Tontocowweh Tan Taaliyaan Dokonuh Tan Atalanta Lih Digirele.
Shanpiyoonis Liig Kaas Illacboh Adda Taysa Away 10 Sanatahak Dagah Tan Ta Gudgudul 5 Adda Mayso Orbisseh Tan Barseloona Opta Kaasak Naharsi Akkalal 5hayto Caddol Daffeyteh Geytimta.
16ik Mayso Taturiyyal Newkastil Yunayited Lih Daffeyte Kataloon Dokonu Rubqi Illacabot Tangalu Waytam Tekkeki, Kalah Tan Engiliz Dokonuh Tan Tottenham Hotsper Lih Hinnammay Atiletiko Madrid Lih Digirele.
Chelsi, Newkastil Yunayited, PSG Kee Riyal Madrid Optak Kaas Akkalih Mekeelissol Rakiibo Abak 6 Ila 9 Fan Tan Caddol Daffeyteh Tan Dokonitte Kinnon.
Opta Naharsi Akkal Mekeelisso Elle Abteh Tanimi, Lafit Luk Tama Dokonitte Loonuh Yanin Wakti Dudda, Fooca Fan Geyoonu Waanah Yanin Dokoonittek Wakti Caalat Kee Ta Qalaylil Loonuh Yanin Abak Raagak Ugut Abak, KIbneh Edde YIntiffiqimeenih Yaniinim Warsen.
Shampiyoonis Liigih 16 ik Mayso Taturiyyak qimbo Luddih Digir Beero Bar Baxaabaxsa Le Awroppah Magaloolil Qimbimele.