Baad Banki Itiyoppiyah Sarriino Le Daddos Abak Geytima Qokol Fooca Fanah Diggooselon- Baad Bankih Dayrekterih Yan Wenachi Zanig.
Addis Ababa,Agda Baxisso 19,2018 (FMC) Baad Banki Itiyoppiyah Sarriino Le Daddos Abak Geytima Qokol Fooca Fanah Diggosoonuh Digga Le Margqa Loonum Baad Bankik Xinisso Dayrekterih Yan Wenachi Zanig Qaddoose.
Maaliyyah Malaak Yan Acmad Shide Baad Bankih Xinissoh xayrekteri Yan Wenachi Zangi Lih Walale,Taman Walal Maaliyyah Malaak Itiyoppiyak Abak Geytmitah Tan Macro Qidaddoh Maysaasah Taddeera Elle Faxximta Gurral Addafakoot Abeh Yanim Qaddoosen.
Ta Milaaguh Taddeeral Qidaddoh Canka Ludditte Akah Miracsintaay,Qidaddo Racenaani Barisaanamay, Xijital Maddur Kee Wacaysir Luddite Dadalisak Afrikah Qarangubal Curirk Yan Tellemmo Fantaaxow Baarisak Dariifa fantaaxow Maqarroosonuh Hadaf Loonum Baxxaqise.
Tama Malaak Baad Banki Itiyoppiyah Lafale Ludditteh Abak Geytimah Yan Qokol Itiyoppiyak Milaagu Kee Daddosuh Kaxxa Qokol Kinnih Tanim Qaddoose.
Baad Bankih Xayrekter Yan Wanecha Zanig Itiyoppiyah Doolat Abuud rakkisoosa Qigtaak missoosak Ossitnah Macro Qidaddoh Riformiy Aben Milaagititte Assakat Leh Tan Maqattootiy Aydukumseh Faxximta Xaloot Kinnim Baxxaqise.
Baad Banki Itiyoppiyah Daddos Ajenxittel Baxsa Luk Maaliyyah Doorititteh Qokkolitte Sarriino Le Gurral Diggoose Loonum Qaddoose.
Namma Katuk Yekkeh Yan Walal Itiyoppiya Kee Baad Bankih Fanat Makcaggur Le Sittin Qokkoliyye Caddok Kussaqisak Itiyoppiyak Daddos Hadafitte Aracat Gactuh Baad Banki Abak Geytimah Yan Maaliyyah Qokol Kee Cuggoysoosa Xayyoosiyya Diggoose Loonum Yiysixxige.