Baaxo caddol 4haytoh addah yaceen poliyoh aftabih gaadu asaaku Rakaakayak Qaafiyat Biiroh miraaciini elle geytimak qimbisen
Addis Ababa,Ciggilta Kudo 3,2018 (FMC) Qaafiyat Biiroh miraacah yan gifta yaasiin cabiib asaaku qimbisen aftabih gaadi dubuh manxaqat hinnay mangoomih aftabu addat leemih taagah qunxa alaaqa inkih aftabu akah geytannah abak geytimaanam yiysixxige.
Qafar ayyunti mangih dacarsittoh xiinay baxacah tani kinnuuk inkikkel geyaanam xiiqime waytaamih taagah buxaak buxah beyak akah wadbisan innah abeloonum Kassisen.
Ta aftabuluuy duma qimbise wee urruuy qimbiseh Yirgiqe urri edde anuk yacoonu Waanam Kee addat sokto feexole urruuy kalah tan taqabitteeta le urru addat wagitak faxxiima dayla akah geyan innah abeloonum tahallih Yiysixxigen.
Samara logyi magaalah xiinissok saqalah yan gifta Qabdu muusa ta aftabu magaala xiinissoh caddol
15000 ik daga yakke urri aftabisoonu ikraariseenih yaniinim Baxxaqse.
Ta urri inkih aftabu akah geyannah tan ikraaro arac xagtuh xaleena kee maglablela isi dirkik tawqem faxximtaamih farmo tatruse.
Ayyunti qaafiyatih inistiitiyut Saqalah yan cammadu acmad asaakuuk qimbisak 4ayroh acayuk sugoonu waan aftabuy asaaku inkih tan daqooritil qimbiseenih yaniinim qaddoose.
Ta aftabiiy lagaq lagaq (manxaqat) dubuh hinnay mangom addat leem kee aham fan baaxo caddol takkuu Rakaakay caddol inkih abiyak amballayuk geytimaamih taagah gersi alaaqat akah tabe waannah xaltaniiy diini abbobti kee miraacinu inkih alaaqa ta aftabut matrisaanam faximta yaanam iyye.
Kalifa Kadir