Baracle Daqaaral Ayyunti Qaafiyatih Caabik Aqusbusiyyi Uguugus Gudgud Gexse
Addis Ababa,Caxah Alsa 5,2018 (FMC) Qafar Agatih Rakaakayih Doolatak Kilbatti Rasuk Baracle^ Daqaarak Qaafiyat/Da/HIV/Eexis/Ka/Ra/Ku/Buxa Qaafiyat Caabih Aqusbuyusiyyih uguugus gudgud gexsen.
Ayyunti Qaafiyatih Caabih Gabataray Kulli Sanatal Yaqusbuseenim Faxximtam Ascassuk Ayyunti Sanat 2018 Liggidah Gabtara Yaqusbuseenim Kee Kalah Ahak Dumal Ankuttubewe Ayyunti Qaafiyatih Caabih Yanuttubeenimih Uguugus Baracle Daqaarak Daqar Fanteenal Asaaku Uguugus Gudgud Gexsen.
Tama Uguugus Gudugul Geytimak Yab Abeh Yan Baracel Daqaarak Naharsi Saqal Gifta Qali Cuseen Iyyemihi ;- Qaafiyat Caabi Arcat Leh Yan Ayyunti Qaafiyat Taqabi Boodah Yan Umaddur Bodda Taqabittey,Biyakaay Tonnah Daylieaytih Umandoolah Akah Rabi Akah Anewannah Miraaciini Giclo Faxximtam Yescesse.
Ta Ekraaro Arac Xagtuh Maglableela Sissik Margaqa Eyyeqqa Hayteh Elle Faxximtannal Arcat Haanam Faxximtaamat Yaabe.
Ciggilak Baracel Daqarak Qaafiyat Kutbeh Buxah Saqal Gifta Qali Rashiid Iyyemihi Ayyunti Qaafiyatih Caabi Ayyntah Leh tan Tuxxiqittek Nagay Yan Addafakot Abak Ayyunti Qaafiyat Leh yan Uddur Qaafiyat Caabih Gabtara Yallenim Uma Uddur Axcih Qaafiyat Taqabi Booda Uddurih Cawlayak Oftooy Lem Ascassuk Beeh yan Mari Gabtara Akah Yaqusbusen Inna Kee Kalah Yan Maray Gabtara Allewa Keenil Xayywinnan Aracal Amaatuk Gabtarat Akah Yantifqen Innih farmo Tatruse.
Ellecabol Inkih tan Daqar abnisaay, Awda miraciinuuy, Awda kasleey, gadda loolay, Awdal tan CBHI komittey weeqa hirgitaay, awdah shariiqaay, sayyo kee Qaafiyat kutbe buxah taama abeenit edde angaluk Aqusbuusiya kee qusba adoytiitih maysarraqa meqennal abeloonumul Sitta Geyak Gexsiak Maacisen Qaafiyat Caabih Uguugusih Gudgud Yumurruqe.