Baracle qimboh caddoh hospital Rakaakayak Qaafiyat Biiro Lih cattiimak Angagayyuk Aban Tiibi (Labha Doore) Fokkaqoh Gaadu Qimbisen

Addis Ababa,Qado Dirri 27,2018 (FMC) Baracle Hospital away qimbise baxsale dakaatirah butta ummattah addal angayyu abtah tan tiibi fokkaaqo tamaate 10 ayroh gexisak sugeloonum Baracle daqaarak qaafiyat kutbeh buxah saqal Yescesse.

Baracle daqaarak qaafiyat kutbeh buxah saqal Gifta Qali Rashid tiibi dalkah gokkaaqo ummatta elle mangoh tan dariifa addah culak gexisaanam kee agaadut 250 uk daga yakke marak fokkaaqo aboonuh ikraariseenim Kassise.

Agaadi barri ummattay tiibi fokkaaqaoh xerbaaxo gexxam xiqe waytah elle yanin ikkel yaffoofoonuh kaxxa tuxxiqlem kee abutta dagar adda elle yablen yangayye X-rey kee caaka elle fokkaaqan aalaat inkih loonum Qaddose.

Afokkaaqo daqar caddol meexen dariifal gaba akak kaleeniik gamadal ellecabol abqaalak gittiiso huxal tan gittoysimak abeloonum tahallih yiysixxige.

Tafokkaaqoh aracal geyneh nan ayyuntiiy qaafiyat caddol doolat keenih tacee ayfaf assakatlem takkay immay baxsaluk angayyuk taamitta buttat geyan ayfaf kaxxam ruffa kenhaam yubluusen.

Baxsaluk away siraglelee taqabiik gexxaamah edde yangayyen merraytih taqabi edde yan uddur annah yan ayfaf kee fokkaaqo amoh keenik baaheenim baxsale intit yablen maqaaney doolatah kulsale gadda elle gacisaana kinnih tanim qaddoosen.

Kalifa kadir