Buqre ludda Kee Saqi Ludda dadlisoonuh xayyoowe baxsale abuuduy ribak curruk yani rakaakay caddol taama akah qimbisa innah sittin gey aben.
Addis Ababa,Agda Baxisso 8,2018 (FMC) Itiyoppiyak tellemo banki canka kee egalaalih Xissimte dacarsittoh xiina kee buqre abah missoyseh yan buqre abah kee daccarsittoh xiinah yamcawwe abuud taama akah qimbisa innah sittin gey samara magaalal gexsen.
Ta sittin gey Rakaakayak ciggiila prezxenti bilhadal meqe xiinissoh kilasterih koobaahisey doolat daddoosih reedoonuk naharsi saqal gifta Acmad cuseen kee tellemo bankik ayro mawqa regionik ciggiila prezxenti gifta Macammad kadir rakaakayak fayyale miraacnu kee itiyoppiyak tellemo bankiih miraacnu kee maglableela elle geytimtak abte.
Itiyoppiyak tellemo banki rakaakayak buqre kee ginno gaddih daddoosih biiro kee saq kee kullumti gaddih daddoosih biiro canka kee egalaalih caddol Xissimte buqre abah yamcawwe abuud taama akah qimbisa innah aben sittin gey Aben.
Ta abuud daccarsittoh xiinah ayyunti leh yann qaqi daddak faxxiima tuxxiq geya inna kaxxa doori Lem Kee Buqre luddal tekke tan taamoomik murti murtisso akah maqarrowta innah Buqre aba kee dacarsittoh xiinah yamcawwe yan ribak curri yan abuuduy baxaabaxsale gurral yamcawwe kinnim tamixxige.
Ta ribak currik yan dacarsittoh xiina kee buqre abah missooweh yan abuud ayyunti leh yan saqi gadda kee buqre akah yantifiqe innah kaxxa doore lem Yescessen.