Cuuti Israailit Abe Nammay Heele Maysattaka Kee Ameerikak Ibi Qandeh Gaadu…

Addis Ababa,Qado Dirri 20,2018 (FMC) Aham Fanah Elle acaboh Fidga Gekkah Yan Iraanay Israail Kee Amerikah Carbit Qaduuk Tengele Cuuti Gaadule Israailit Nammay Hayto Maysattaka Abte.

Taturte Saaqotah Addat Iraanay Israail Kee Amerikah Carbi Wagittamal Tewqe Oytitte:-

👉 Cuuti Gaadule Israailit Maysattaka Abte

Carbit Qaduuk Tengeleh Tan Yaman Gaaduleh Butta Israailit Nammay Heele Maysattaka Abtemit Yabte.

Cuuti Israail Qaskarah Qilaamisen Xalu Le Misaail Kee Dron Maysattaka Abtemit Cuuti Gaaduleh Afak Yaabena Yacya Sari Yiysixxige.

Ta Butta Ciggilta Ayrorah Addat Qagitaak Abelenno Axcuk Yescessenim BBC Xaagih Raceena Tescesse.

👉 Ameeriak Ibi Qande Iraanal Baxsale Gaadu Qimbisuh Bicak Geytimtamat Yabte.

Ameerikah Qande Alaafaatal Lowimta Qaskar Edde Tangaluwayta Ayyamitte Sugtuwayta Ibi Qandeh Gaadu Qimbissuh Ekraarissem Tiysixxige.

👉 Iraan Abte Maysatta Almuniem Daddosut Katasse Kassara

Iraan Tengele Qarab Emaarat Kee Bacreenil Geytimta Alumuniem Daddos Maysattaka Abteh Tanim Tiysixxige.

👉 Israail Qusbih Abte Maysattaka

Israil Iraanak Inaytah Tan Tahran Magaalal Geytimta Qaskariyyoh Amrih Exxa Kee Silaacitte Elle Bicissah Tan Fanteenit Hadaf Le Maysattaka Abtem Tiysixxige.

Israail Qande Tehraan Kee Kalah Tan Dariifal Tannah Tobisle Maysattaka Abteh Tanim Kee Iraanak Fayya Le Qandeh Mirocti Hadaf Abteh Tanim Qaddosse.

👉 Oaakistan Abak Geytimta Salaam Macal

Paakistan Inki Alsih Gideh Abak Geytimta Salam Macalay Tonnah Carbi Soolisiyyih Bicat Awayih Uddur Turkiiy,Saqud Qarabiya Kee Masri Edde Yengeleh Geytima.