Fana Miixiyah Korporeshion Afrikah Inkiinoh Saqolti Kee Taaliyan Kee Afrikah Daffeynal Abteh Tan Doorih Mamaxxaga Geyte.
Addis Ababa, Caxah Alsak 12, 2018 (FMC) Fana Miixih Korporeshin Afrikah Inkiinoh Mirocti Kee Taaliyan Kee Afrikah Daffeynal Baar Le Gabbaaqu Xayyosanamal Digirteh Tan Doorih Mamaxxaga Geyte.
Ta Namma Daffeyna Meqennal Gabakaloonuh Doori Digirteh Tan Maritteh Mamaxxaga Akah Yacen Innah Iroh Caagiidah Malaak Bicisseh Yan Tadeera Gexsen.
Iroh Caagidah Malaak Gideon Timothy (Dr.) Elle Yescesenal Ta Koboxitte Ossotinah Koboxuk Salafat Mangoh Tan Tekkoka Gexseenim Yescessem Kee Tah Baaxok Maqarle Hadaf Yaybulleem kee Tet Ceelo Xisam Kinnim Baxxaqse.
Ta Daffeynaani Itiyoppiya Diplomasi Fanteena Kinnim Qaddosseh Tanim Kassiisak Fooca Fanah Nabah Yan Baad Caddoh Gudguditte Arcibisoonuh Bica Abele Axcuk Qaddoose.
Ta Gudgudul Federal Boliisiiy, Agat Amnih Exxaxiiy , Qaafiyat Kee Merayti Luddal, Tonnah Miixiyah Eglaalih Koobaahissoh Gadda Gacsam Ta Gudgud Meqennal Gabakaleenim Yescessen.