FAYDA Mamaxxaga: edde nan qasril qusba kinnaaneh asta
Addis Ababa,Caxah Alsa 12,2018 (FMC) Itiyoppiya qasriinol diggowte kinnaaney, agatak xijitaal itiyoppiyah ekraarol FAYDA xijitaal mamaxxagah siirat abbinoysak geytimta. Fayda agat caddol baxsale kinnaaneh taddiiral Aamantiina diggoysak, inkih tan baaxô xayloh amcawwuk geytimta.
Ta taddiirak hadaf bankiiy, qaafiyatay, baritto, kee kalah tan doolat Kee doolat akke sinni exxaaxi tacee ayfaafayitteh mexxat yakke asmat le oytal rakitak agat pooliisi diggoysoonu faxxinta.
Faxe num faydah mamaxxaga yeellek sahlin gitak kinnaane diggoysak xijitaal gitittel takkeh tan rado kee garqô gita isik yalfem xiqa.
Qafár rakaakayal yanih yan ayyunti kaadu fayda xijitaal mamaxxaga ayyaaquk currik tan doolat ayfaafayittet sahlinuk yantifiqqimeenimiy, dacarsittoh xiinah ayyunti kaadu inkih tan agat caddoh siiratittet gabah assagolla haysitak, doolat ayfaafayittel inki gid akkiyya diggoysah, Agat dadalih taddiira qoklaanah, xijitaal doolatak aamantiina diggoysaanamih caabi kinni.
Qagitaak faaydah mamaxxaga tayyaaqem cankah oytitte qasriinô gital massoysak ummattah oyta aamantiina luk mirracsimuh tuxxiiq le.
Faayda mamaxxaga dibuk hinnaay ayfaafyitte sahlinuk, awqenta sinnim, sissikuk geyak dago udduurul rufto le ayfafay geysissam kinni.
Itiyoppiya ekraarisseh tan sanat 2030 xijitaal itiyoppiyah ekraaro aracat gactuh faydah mamaxxagaay, 5 milyoon itiyoppiyaan kooxersih taddiira kee kalah tan xijitaal itiyoppiyah ekraaro aracat gactuh inkih yan ayyunti isi doorik awaquk faydah mamaxxaga elle tanin dariifak sahlin gital tayyaaqeenim duddaanam kinni.
Xijitaal Mamaxxaga baxsa luk awakih uddur Agat caddol gexsittu wayta 7heele dooroh dooroonuuy, doorimoonuh dirki tekkeh maacisse. Tohih taagah ayyunti exxaaxi keenil xayyoowinnaan fanteena gexak Ayfaaf geyaanam duudan.
Tamaate dooroh doorime kee doore nakkuh Xijitaal mamaxxaga faxxintam faxe qaynatih ayfaaf teetit axawah gaceemik sumaaqa. Awakih uddur tama Ayfaaf edde yaceen Mansoofak manga farakka hayoonuh Rakaakay doolat caagiida wagitta maglableela luk taamitak geytinta.
Qafar Rakaakayih caddol asanatih addat namma Milyoon yakke mari tama mamaxxagah Maysaqarra aboonuh ekraaro kah daffeyteh tanim kee abbinos caddol baar le taamoomi akkuk geytintam warsan.