Hong Kongil 128 Yakke Marih Qawwaddi Edde Yewqe Gira Qawwalayla Lowsis Gubat Culusen
Addis Ababa, Naharsi-Kudok 19, 2018 (FMC) Hong Kongih Magaalal Sitta Lih Elle Mannoowan Qarwat Toofeh Tan Qawwalaylat Rabeh Yan Marih Qadad 128 Gufeh Yanim Qaddowte.
Taturte Arbaaqah Toofeh Tan Gira Qawwalaylat Qawwaddi Akak Yewqeh Yan Marak Ossetinah 200 uk Daga Yakke Aham Fanah Edde Radeenikke Amixxige Waytah Tanim Tama Dariifah Reedon Tiysixxige.
4 Alfiiy 600 uk Daga Yakke Mari Guubuh Elle Geytima Kalqatal Toofeh Tan Gira Qawwalayla Lowsis Gubat Culuseenim Hong Kongik Amni Saqalah Yan Kiris Tang Qaddoose.
Ta Qawwalayla Lowsiisoonuh 2 Alfiik Daga Takke Gira Qawwalaylah Taama Abeynit Edde Tengeleh Tanim Ascassuuk:- Qawwalaylaak Ugut Abak Elle SUgah Iraawol Geytima Marah Qokol Akkuk Geytimam Warse.
Tama Saqal Yeceh Yan Maybalaalaqal Inkih Tan Kalqatittel Daabimteh Sugte Gira Qawwalaylak Takkaawisiyyi Silaacitte Ayfaafay Acayuk Suge Wayteh Tanim Yiysixxigen.
Tama Qawwalaylak Ugutma Yaaxigoonuh Poolis Qaduuk Fokkaaqo Qimbisseh Tanim Kee Oyta Gaaboysak Geytimaanam Qaddoose.