Itiyo Telekoom Barri Dariifal Telephone Rettah Fantaxaw Diggosuh

Addis Ababa,Agda Baxisso 22,2018 (FMC) Barri Dariifal Telephone Daata Kee Rettah Affaf Wadbisnuh Diggaluk Taamitak Geytimna Axcuk Itiyo Tekoomuk Naharsi Saqalah Tan Frehiwot Tammiru Qaddosse.

Frehiwot Tammiru Inteemihi :- Barri Dariifal Digital Gabah Assagolla Diggosoonu Kee barri Dariifah Ayyunta Digital Baadat Yasgallonuh Baar le Taamoomi Akkuk Geytimtam Tescesse.

Barri Telephone Fanteenaani Akah Diggosan Innah Abak Geytimanam Ascassuk :- Tature Laca Alsih Addat Dibuk 102 daqortih Addal 130 Takke Silki Limoh Fanteenani Xisaanam Duudumtem Tiysixxige.

Tahak Ugut Abak 332 Takke Kebelaali Kee Gandoodil Telekom Wadba Abak 761 Alfik Daga yakke Ayynti Affaf Tuxxiqitte Geytem Kassisse.

Tama Fanteenaani Elle Xisen dariifa Magaalooluk Deddarah 23 Ximmoy 76 Kiilo Mitir Takkem Tescesse.

Itiyo telekom Digital Itiyoppiya Akah Iffowtannah Taakume Dooritte Digirak Geytimam Qaddosse.

Baxsaluk Smarti Sity,Smart Kampus,Doolat Affaf Digitalized Akah Aban Inna kee Fayda Agat Mamaxxaga Kee Tonna Tonnah Tan Caagida baxabaxsale Rakakay Kee Federaal Exxaxih Xayyosak Geytimanam Tiysixxige.

Nussi Sanatal Interprize Solushionih Luddal 3 Ximmoy 4 Billiyonih Birri Geysisak Booluk 48 Ximmoy 5 Gaba Geysiseenimit yabte.

Ossotinah Asantih Addat 112 Takke Affaf Fanteena Ossotina Xiseenim Ascassuk Amolladih Affaf Tace Fanteenaanih Qadad 1 Alfi 150 Gufem Tescesse.

Fanteenaani Elle Fakeenih Yaninim Ahak Dumal Hebeltoh Affaf Elle Sugeweeh yan Dariifa Kinnim Kee baxsaluk Mangoh Yan Mari Elle Geytimah Yan Dariifa Kinnimi Qaddosse.