Itiyoppiya Atlaake Saduh Mango hangi Acayuk Taamitak Geytimta
Addis Ababa, Ciggilta-Kudok 01, 2018 (FMC) Itiyoppiya Baadak Atlaake Sadih Konvenshionik Uguta Abak Atlaake sadul Baxsale hangi Acayuk Taamitak Geytimtam Federaalak Atlaake sadih Komishinih Komishiner D/r Samuel Urkato Qaddose.
Tama Komishiner 22 Heele Baadak Atlaake Sadih Ayroh waynabol Tatruse farmol Iyyemihi :-Ta Ayro Exxaxik Atlaate Sadih taamomi dadlisoonuh Baxsale Hangi Akah Acayuk Taamitak Geytimanam Baxxaqse.
Atlaake Sadu wagittamal Itiyoppiyah Innah tan dadalak geytimta baaxoxal iroh tan Abtootay,mabla Kee Diggo salac Ambulluk Geytimam Baxxaqse.
Tahak Ugut Abak Milaaguk lakal Atlaaki Sadih Fokkaqo kee madqooqi Milaagak Atlaake Kalalanamal Mango Taamomi Tekkeh tanim Yescesse.
Tahala Exxaxi Kee Luddittel hangi Acayuk mango taamomi Tekkem kassisak Celalloh Qadliino kee Garkurak Duddi gablusiyyih taamomi tekkem Qaddose.
Milaaguk Naharal Azabi taqabitteh Sababah Uma caddot Raddeh Sugte Cugaysoosa cataanimih taama Tekkemit Yaabe.
Ciggilak Ayyuntak Rakiiboh Affafittey,Kallayto Xinissoy,Seneditte Kee kalah tabisleh tan Ludditteh baxsale hangi Acayuk taamiteloonum Yiysixxige.