Itiyoppiya Baddi Forda Geytuh Abta Macal Baaxo Nabna Tascasse Abto-D/r Tesfaye Beljengi

Addis Ababa,Ciggilta Kudo 22,2018 (FMC) Ummattah Awlaytiitih Malah Buxak Doolat Seceenih Malaak D/r Tesfaye Beljengi:-Iyyemihi Itiyoppiya Baddi Gita Geytuh Abta Macal Baaxok Nabna Tascassem Kinnuk Inkih Sittallih Elle Taamitanam Faxximta Agat Tuxxiqih Ajenxa Kinnim Qaddose.

Baddi Gitih Essero Fordah Essero Dibuk Hinnay Itiyoppiyah Nabna Tascasse Abto Kinnim Ascassuk Duma Suge Siirat Anna le Essero Ugusa Mara umantit Abluk Sugeenim Kassise.

Asaakuy Takkay Dumahi Daala Qagissa Dagorti Tanim Ascassuk Laain Away Tama Caagidil Inki Mogiy Akkuk Sittallih Taamitanam Faxximta Axcuk Yiysixxige.

Tahak Ugut Abak Itiyoppiyak Daddos Fayxi Arac Xagtuh, Baaxo Xayloh Gabah Assagolla Diggowaanam Kee Baaxok Salaam Kee Amni Fooca Fanah Diggowaanam Faxximtam Kassise.

Baddi Fordah Essero Wagittamal Iyyemihi Itiyoppiya Ugussa Essero Dudda Le Sababitte Akah Lem Nummase.

Ami Beyak Aydaaduy,Baaxo Weelo,Qidaddoy,Madqak Ugutak Say Kee Amni Caagid Kinnim Warse.

Xayih Baxaabaxsale Ayyunti Exxaaxilih Yekkeh Yan Walal Baddi Fordah Caagidil Baarle Ayyunti Rakiibo Lem Qaddosen.

Dumaak Itiyoppiyak Aydaadi Naqboytah Sugte Baaxoxa Akkewaytek Mango Baaxoxa Ta essero Afhimuk Geytimanam Kassise.