Itiyoppiya kee Djibuutih Ummuuno Namma Baaxok Cuduud Dariifah Saay kee Amni ittalih Dacrisoonuh ittingey Aben

Addis Ababa,Agda baxissok 14,2018 (FMC) Itiyoppiyak Kalali Qandek Ayro Mawqâ Macaxih Abba Letenal general Asaffa Chekkol Miraacisa Qandê Miraaciinu kee Djibuutih Ummuunok Kalali Qandek Ayrô Kormâ Foocih Abba Kolonel Qali Shecem Miraacisa Qande miraaciinu namma baaxoh fanih maadul Salaam elle dacrisaanam duudan ittingey aben.

Namma baaxok maaduh raqta dariifal aham fanah sugte caalatitte maca celtam baar luk elle kusaaqiseenih yanin tama gudgudul fooca fanah tayse taama elle abaanam duudan cogdaadil fidinuk walalak ittingey gufen.

Walal Ellacabol Itiyoppiyak Kalali Qandek Ayro Mawqâ Macaxih Abba Letenal general Asaffa Chekkol kee Djibuutih Ummuunok Kalali Qandek Ayrô Kormâ Foocih Abba Kolonel Qali Shecem ittingey Gili heen.

Tama ittingey Namma Baaxoh fanih Salaam kee fantaaxaw Diggoowuh Meqe Doori Aallelem ittingey gili heen uddur qaddoysen.

Aaxigeh meqeemik Djibuutih Ummuunok Kalalí Qandek Ayrô kormâ Foocih Abba Kolonel Qali Shecem Miraacisa Erega asaakî macsenta Samarâ Magaala culeenim tamixxigem Qafarak Mnagaffa Rettimah Oyti Yascasse.