Itiyoppiya Qimbisseh Tan Baddi Fordah Essero Nek Manot Axawah Tanim Tan-Buure Magaalah Ayyunti
Addis Ababa,Qado Dirri 21,2018 (FMC) Baddi Forda Alfimteemih Ditet Geytimna Mango Liggiditteh Nek Alfimeh Yan Baddi Fordah Fakkimtuh Naharsi Malaak Abak Geytimah Yan Angagoyya Kee Essero Faxximtah Tan Essero Kinnih Tanim Buure Magaalak Rasi Kasle Qaddose.
Ittiyoppiya Qeemiseh Tan Baddi Forda Essero Angagoyya Buureh Butta Qusba Saami Gintam Ginnih Tanim Yescessen.
Buure Magaalak Aydaadul Baaxo Caddol Karma Nabah Tan Baxooxat Loowoh Tanim Kasisak Baaxoh Idoola Buure Magaala Xissimtem 1968 Liggida Kinnih Tanimit Yaaban.
Takkay Immay Buure Magaalal Sigmah Yan Ayyunti Iyeemih Baddi Forda Alfimteemih Kabdah Angagoyya Amolladih Alfimeh Yanimit Qaddoysen.
Naharsi Malaak Dr Abiyyi Acmad Tatre Sanatih Addat Ittiyoppiya Forda Geytuh Missoynah Adoytit Daffeyna Kee Baxaabaxsale Dafeynanil Uguseh Yan Baddi Fordah Essero Buureh Ummatta Qusba Niya Ginteh Tanim Yaaben.
Takkay Immay Ittiyoppiya Baddi Forda Geytuh Abta Macal Buureh Ummatta Faxximah Yan Qokol Abelonuh Yaninim Qaddoysen.
Baddi Fordah Tuxiq Xaynal Yaxigeh Yan Buure Magaalah Ayyunti Iyyeemih Ta Magaalak Mano Milaagimtuh Ittiyyopiya Baddi Forda Geytam Doorit Sinni Dirki Kinnih Tanim Yescessenim Gazettak Qafar Afih Exxah Oyti Yascasse.