Itiyoppiyah Addal Doolat Xissimma Inteh Abta Atlaake Matan-Ciggila Naharsi Malaak Temsegen Teruneh

Addis Ababa Ciggilta Kudo 1,2018 (FMC) Itiyoppiyah Addal Doolat Xissimma Inteh Abta Atlaake Matanan Ciggila Naharsi Malaak Temsegen Teruneh Qaddose.

22Heele Baad Caddok Atlaake Sadih Ayroh Tadderal Ciggila Naharsi Malaak Temesgen Teruneh Abe Yaabal Iyyemihi Qikkibow Doolat Gaqiino Akah Bayisan Innah Taamitak Geytimanamat Yaabe.

Toh Kinnimih Taagah Doolat Agatak Atlaake Sadih Makaado Xisak Ta Caagidil Duddale Mabla Ginaanam Kee Sarimanele Calli Bahsisoonuh Qadli Taama Akah Aban Innah Abak Geytimaanam Qaddoosen.

Ciggila Naharsi Malaak Atlaake Kalaloonu Elle Duudanam Sidoc Gita Kinnimit Yaabe.

Qimboh Doolat Atlaake Gitak Curri Takkem Kinnim Kee Akah Dumal Itiyoppiyah Doolat Xissimma Inteh Baaxo Kee Ummatta Gadda Buubaanamih Taama Soolisenih Yaninim Kassise.

Tahak Ugut Abak Doolat Mirocti Kee Kalah Tan Doolat Taama Abeenit Gaddak Leemih Caddo Yaskutubeenimih Kukta Faaticseenim Baxxaqse.

Nammaytah Kaadu Doolata Sivil Service Reformi Qimbissem Kee Taha Koora Inki Fanteenah Ayfaf Qusba Taama Gexso Qimbiseenim Kinnim Kee Tah Kaadu Atlaake Akah Kalalan Innah Kaxxa Taama Gintem Qaddose.

Sidooca Hayti Ummattak Azab Xisanama Kee Atlaaket Rade Wa Ayyunta Akah Ginan Innah Abeenim Kassise.