Itiyoppiyak Nukuleer Daddos Salaam Ayfaafaih Tuxxiiqih Dibuk Assam Kinni – Komishiner Sandokan Debebe

Addis Ababa, Naharsi-Kudok 29, 2018 (FMC) Itiyoppiyak Nukuler Daddoosu Salaaym Ayfaafayah Dibuk Assam Kinnimi Itiyoppiyak Nukuler Enerjih Komishinih Komishiner Sandokan Debebe Qaddoose.

Itiyoppiya NUkuler Caylih Daddoosih Taddeera Kee Nukeler Caylih Komishinik Taama Qimbisiyyih Walal Gudgud Gexisak Geytiman.

Komishiner Sandokan Debebe Tama Gudgudul Abeh Yan Yaabal:- Itiyoppiyak NUkuler Teknoloojih Daddosu, Cayli Amaana Diggosak Maddur Tabaatabsa Kee Xer Udduurih Koositiyyi Duddih Gablusiyyal Rakiibo Abta Agatak Daddos Uguugut Kinnim Yiysixxige.

Itiyoppiya Salaam Nukeler Teknolooji Saytun Caylih Xayyoosiyya Racisaanamih Dudda Qaafiyataay, Buqre Kee Industriiy Tonnah Kusaq Abinih Taddeeral Hangit Haytam Kinnim Kassiise.

Salaam Dooritil Nukuler Saynisik Daddos Taddeera, Itiyoppiyah Xaylok Mano Maysaasa Abta Tuxxiq Geysissa Saamitte Diggossam Kinni Axcuk Baxxaqise.

Itiyoppiyah Doolat Nukuler Caylih Daddosih Macal Sarrimaane Le Maddur Dadalih Diggoosiyyah Hangit Hayta Mabla Kinnim Qaddoose.

Naharsi Malak Dr. Abiy Acmad Nabah Yan Itiyoppiyak Asqassaabe Karawwadih Dooqaysol Guubal Bissiraatat Akak Yaabe Maaca Rusiyal Gexisen Baadak Atoomik Caylih Gudugudu Fan Beyak, Itiyoppiya Nukuler Daddoosul Leh Tan Macal Elle Diggosseh Tanim Kassiise.

Tahak Ugut Abak Itiyoppiya Nukuler Teknolooji Salaam Ayfaafayah Dibuk Tuxxiiqil Asissuh Dudda Luk Akah Macalak Elle Geytimtah Tanim Yiysixxige.

Itiyoppiyak Nukuler Caylih Komishin Akah Yontocowwe Qado Reeda Kee Kaah Hadalsimteh Tan Rakissol Badak Atoomik Enerji Lih Cattiimak Taamittuh Bicat Tanim Baxxaqse.

Fooca Fan Itiyoppiya Ixxiga Kee Salaamak Yan Nukuler Daddoosul Sittin Mablal Rakitak Baadak Atoomik Enerjih Ejensi Lih Cattiimak Abta Taama Yayse Gurral Diggooselem Qaddoose.