Itiyoppiyak Tellemmo Banki 320 Billiyonih Birrik Daga Takke Lakqo Abuuduh Yece
Addis Ababa,Agda Baxisso 19,2018 (FMC) Itiyoppiyak Tellemmo Banki Qasrino Leh tan Teknoloji Meexak madruurah Sissikaane kee Amnatina Le Affaf Acayuk Geytima Iyyanam Iyye.
Itiyoppiyak Tellemmo Banki Madruurah Affafih Qimbisiyyi Taddera Gexsiise.
Tama Tadderat Maaliyyah Malaak Kee Banki Dayrektert Bordih Ko Baahise Acmad Shide,Bankik Fayyo Le Caddoh Miroctii Kee kalah Tan Maritte Elle Geytimte.
Gifta Acmad Shide Tama Aracal Iyyemihi itiyoppiya Taturte Sanootah Addat Abteh tan Makro Ekonomih Maysaasak Xalootuk Yamballe xaloot Geytimem Qaddose.
Edde Nan Mizaniyyat Liggidah Ekraarisen 10 Ximmoy 2 Gaba Qidaddo Dadalak Geysissam Dudda Taamomi Tekkem Baxxaqse.
Tellemmo Banki maaliyyah Luddih Angagoyyah kaxxa Caddo Lem Kassisak Tah Nafhimuh Banki Diggosoonuh Hangi Acayuk Taamiteenimit Yaabe.
Banki Prezdentih Awlaytuy Korporate Affafak Ciggila Prezdenti Efrem Makoriya Islekabuk Iyyemihi Madruurah Affaf Leh Tan Siiratitteh Hangi Acayuk Affaf Akah Diggosan Innah Taamitak Geytimanam Yescesse.
Tellemmo Banki 45 Milliyonih Madruura Lem Kee Kaxxam Meqeh tan Qidaadisiyyi Taamomi Baarisak Geytimanam Baxxaqse.
Edde Nan Liggidak Qimbo laca Alsih Addat 320 Billiyonih Birrih Abuud Yecemit Yaabe.
Sanat 2017 Amolladih Daffeyta lakqoh Qadada 1 Ximmoy 69 Trilliyon Gufem Kee Amolladi gaddih Qadada 2 Ximmoy 3 Trilliyonih Birrik Taturem Kassise.