Itiyoppiyal Anxaxin Raatissoh Taddeeral Aben Taamak xaloot Addis Ababal Abinah Ambullayuk geytima.
Addis Ababa; Caxah Alsak 8,2018 (FMC) Addis Ababa Itiyoppiyak Anxaxin Raatissoh Taddeera Tekke Taamoomik xaloot Addis Ababal Abinah Ambullayuk Geytimam Afrikah Inkiinoh Komishinik Saqal Macmud Qali Yuusuf Yescesse.
Afrikah Inkiinoh Komishinik Saqalah Yan Gifta Macmud Qali Yusuf 39heele Afrikah Inkiinoh Daffeynah Mammarraqa Wagsiisak Maybalaalaqa Yece.
Tama Komishinik Saqalah Yan Gifta Macmud Qali Yuusuf, Itiyoppiya Rosqâ Milaagih Taqabi Kalalitoonuh Anxaxin Raatissoh Taddeeral Abeenih Yanini Taamoomil Geyten xalootuh Unkaq ruffa inteenim Axcuk Kassise.
Naharsi Malak Dr Abiyyi Acmad Elle Qaddosennal Hawa Milaagih Koysitoonuh Anxaxin Raatih Taddeera Abtol Yaybulleenim Kinnim Qaddoose.
Anxaxin Raatih Taddeera Geyteh Tan Xalootul Addis Ababah Magaala Abinah Ambullayuk Geytimam ascassuk Itiyoppiya Nammey heele Afrikak Rosqa Milaagih Daffeynah Arcribissuh Faxxiima bica Abak Afrikak Mabla Akah Yaysixxigen Innah Abak Geytimaanam Kukta Faaticisen Yaniinim Baxxaqse.
Ta Kobox Afrikah Xongolo rosqà milaagih Maaliyyay Xisne Mammasittet kalatoonuy Cayli Tabaatabsal Elle aboonuy Afrikah Xongolo elle Yaysabboonu waanama Yaabe.
Afrikah Inkiinoh Eglah Adoytiitih Tan Baaxooxa Rosqà Milaagih Taqabitte Kalaloonuh Ekraaro Bicisoonuh Qokol Abaanam Faxximtam Kassiise.