Ittiyyiopiya Kullimih Faxximta Baaxo Abonuh Ximokrasi Siiratih Xisne Diggoysak Gexele
Addis Ababa,Qado Dirri 14,2018 (FMC) Ittiyyopiya Kulli Agat Xayloh Faxximta Baaxo Abonuh Qemiseenih Yanin Ximokrasi Siirat Xisne Diggoysak Gexanam Faxximtam Oromiyah Rakaakayak Doolat Angaarawih Biiro Saqal Gifta Haylu Aduniga Qaddoyse.
Saqal Tah Elle Qaddoyseh Yanim”Ximokrasi Siiratih Xisneh Addat 50+ Doori” Inta Maxcol Gexsisak Geytiman ‘Gooma Balal’ Walal Gudgud Fakkental Abeh Yan Yaab Kinni.
Ta Gudgudul Gifta Haylu Elle Qaddoyseh Yan Innal:-Doolat Tangale Qadliino Kee Toobokinul Rakiibo Abta Ximokrasi Siirat Xisonuh Fayyale Magaqaral Taamitak Geytiman.
Diggale Baaxo Xisne Diggoysonu Xiiqimtam Kulli Agat Xaylo Inkiinol Tayfafe Kee Kulli Num Celta Baaxo Xisne Xiqanam Kinnim Yescesse.
Reedah Abbotan Ummatta Kinnim Diggoysa Siirat Fidisanam Mango Angagoyya Kee Abak geytimanam Yescesseh Yan Gifta Haylu Taturte Siyaasa Taqabitte Agattini Anaakar Yafdugeenim Qemiseenih Yanin Qusba Gexso Kinnih Tanim Yescesse.
Ta Gexsoh Addat Baxsaluk Sayyo Ximokrasi Siiratih Xisnel Xisosa Le Gurral Abak Fooca Fan Yasgalleenim Faxximtah Tanim Yescesse.
Ta 50 Hayto Adda Balal Walal Gudgud Oromiyak Angaaraw Biiro Kee Oromiyah Rakaakayak Doolatak Naharsi Saqalih Kutbeh Buxa Koobahise Bical Yekke Kinnih Tanim Qaddoyse