Kilbatti Ayro-Mawqak 2 Hayto Rijinil Akkuk Sugte Kooran Qeedaboh Taamoomi Meqennal Gaba Kalteh Tanim Timixxige .

Addis Ababa,Caxah Alsa 6,2018 (FMC) Itiyoppiyak Kooran Caylak Kilbatti Ayro-Mawqak 2 Hayto Rijinil Akkuk Sugte Qeedabo Taamoomi Meqennal Gaba Kalak Ayfaafay Dudda lennal Taceem Qimbisseh Tanim Tama Rijinik Naharsi Xayrikteerih Yan Gifta Casan Macammad Qaddoose . 

Gifta Casan Macammad Qagitaak Elle Yescesseh Yaninnal Kilbatti Itiyoppiyal Boodeh Sugeh yan Carbiik Gexxaamah Baxaabxsa le Dariifal Cayli Baarissoh Aroocal Taqabi Boodeh Sugeh Yanin Yiysixxige .

Carbiik Lakal Elle Suga Qeedabo kak Abak Ayfaafay Acayk Sugtem Yescesseh yan Gifta Casan Macammad Awayih Udduur Dudda le Ayfaafay gaciseenih Yaniinim Diggoose .

Qeedabo Taamoomi 86 Kiilo-Meteri Takke Baaxol Tekkeh Tanim kee Tekkeh tan Taamoomi Mihratleela Gabat Abeenimih Taagah 11 Milioonih Birri Kisaarak Cateenih Yaniinim Itiyoppiyak Kooran Caylih Maktabih Oyti Yascasse .