Konnabi Daqaaral Polis Kee Culekalah Adoytitluk Saay Kee Salaamaay Wakti Caalat Wagittaamal Walal Gudgud Gexsite.
Addis Ababa,Agda Baxisso 4,2018 (FMC) Kiblatti Rasih Xintok Konnabi Daqaaral Rakaakayak Yemeete Fayya Le Miraacinu Kee Daqaarak Naharsi Saqal Edde Anuk Daqaar Caddol Saay Kee Salaam Diggoosaanamal Saay Dacrisa Cayli ittalluk Taamitaanam Faxximtam Diggoosen.
Tama Gudgudul Qafár rakaakayih Doolatak Maaliyyah Biirok Cig/Saqal Gifta Darsa Macammad iyyeemih Qafar Ummatta Salaamal Tamixxigeh Tan ummattaay Xintak Macsa ittalluk Le Kinniimih Taagah Konnabi Ummatta Adda Ganeenit Kee iro Ganeenitiiy Dariifa Saay Kee Salaam Darroqossuh Angagayyuk Geytimtat Kositaanam Faxximtam Yescesse.
Tonnah Konnabi Daqaarak Naharsi Saqal Gifta Macammad Yacya iyyeemih Konnabi Ummatta Dariifa Saay Kee Salaam Diggoowuh Saay Kee Salaam Cayla Kee Qunxaaneytaay Diini Abbobtiiy Rasi Kasleh Xaqut ittak Gactam Faxximtam Yiysixxige.
Konnabi Daqaaral Geytima Saay Cayli ittalluk Gacak Salaam Angaaraw Diggoowuh Taafem Duddah Tan Booditte Walalal Yafdigeenimih Qaadah Haysitak Gersi Daqooritih Celallo Takkem Xiqtah Tan Taama Abeloonum Yescessen.
Ibrahim Muusa