Konnabi Daqaarih Mijlis Sanat 2018 liggidak 2 Haytoh Rubqi Sanatat Tekke Taamah Gabbaaqu Wagittaamal Madabiino Kobox Gexsen

Addis Ababa,Agda Baxisso 19,2018 (FMC) Ta Aracal Fakkenta Abeh Yan Konnabi Daqaarak Mijlis Afteenah Yan Gifta usman Nur Mijlis Adoytiitiy, Seeco Essekexxa Hayteh Akoboxut Tangaluh Temeetek Unkaq Muquk Temeeteenim iyyek lakal Mijlis Adoytiitik Aa Kobox Dumaak elle Abna Gurral Ossooba kee Sittin Kacanul Abnam Faxximta Yaanamat Yaabe.

Tohuk Lakal Sanat 2018 Liggidak Inik Haytoh Rubqi Sanatih Gabbaaqi Guuma Majlis Adoytit Inki Xongolol Faaticisaanam Aben.

Ciggiilak Konnabi Daqaarak Xintok N/saqal Gifta:-Macammad Yacya Ibraahim Sanat 2018 liggidak 2 Hayto Rubqi Sanatih Addat Tekke Tamoomak Abnisso Gabbaqu Mijlis Adoytitih Xayyoose.

Xayyooweh Yan Taama Gabbaaqul Mijlis Adoytit Esseroora Kee Mablooli elle Ugusaanam Aben.

Maktabitteh Saqolti Majlis Adoytit Ugusseh Tan Esserooral Raddi Gacisaanam Aben. Tohuk Lakal Daqaarak Naharsi Saqal Maktabitteh Caddol Ugutteh Tan Esseroorak Amôlladih Raddi Gacisaanam Tekke.

Illacabol Daqaarak Majlis Saqal Massakaxxale Gifta:-Qusmaan Nuur Sahlu Gexsitak Ase 2 Haytoh Rubqi Sanat Gabbaaqul Majlis Adoytitih Gaba Ruuboh Xayyosak Majlis Adoytit Inki Xongolol Faaticisak Ta-madabiino Koboxuy Gexsitak Suge Yumurruqe.