Leeda Missoynak Xisne Langik sanat 2018 Ekraro 6 Alsi Taama Gabbaqi Gudgdu Samara Magaalal Gexsitak Geytima

Addis Ababa Agda Baxisso 2,2018 (FMC) “Maqar Le Xiisne Maqar Le Missoynah” intah Tan itrol Leeda Missoynak Xisne langik 6 Alsih Taama Gabbaqi Gudgud Samara Magaalal Gexsisak Geytiman.

Tama Gudgudul Leeda Minster Bilhadal Xisne Langi Saqal Gifta Fikadu Tasamma Kee Leeda Missoynak Qafar Rakaakayih Luddi Saqal Gifta Macamamd Cussen Missoynak Inkih Tan Rakaakayitte Kee Magaalalol Xiinissok Temeete Leeda Missoyna Xisne Langih Miracinnu Kee Maglablela Elle Geytimte.

Tama Gudgudul Leeda Missoynak Xisne lnagi Saqal Gifta Fikadu Tasamma Iyeemih Missoyna Maqar Le Missoyna Takkuh Inktinane Kee Sitaalino Xissimiteh Tan Missoyna Kinni

Inki Missoynak Duddi Elle Yamixxgem Leh Tan Amanti Kinni.

Xisnena Mabla Addah Oobisak Fannah Nan Qidado Kee Salaam Arac Xaguh Kaxxa Doori Le.

Ciggilak Leeda Missoynak Qafar Rakaakayih Luddi Saqal Gifta Macammad Cussen Qaalisa Iyeemih Leeda Missoyna Maqar Le Xisne Talluh Tatre Sanootah Addat Maqar Le Taamoomi Abaak Temeete Missoyna Kinni.

Tatre Sanootah Addat Qafaral Leeda Missoyna Dafeynani Gexsisanam Hinnay Qafar Missoynah Adoytit Yakkeenim Xiqak Masugina Awayih Uddur Laakin Qafar Ummatta Leeda Missoyna Ginnimteemih Mango Saamittet Antafaquk Geytimta Kassisen.

Xisne Langil Abnah Nan Gabbaqi Ciggilta Afkanitteh Mexxat Le Taamoomi Abnuh Tuxiq Leh Yanim Qaddoyse.

Ellacabol Tama Gudgudul Ciggilta Namma Ayrorah Gexsitu Waah Yanim Kee Ciggilta Taama Afkanitte Elle Antcowele Axcuk Qammalanam Qafarak Mangaffa Rettimah Oyti Yascasse.