Madqak Tan Dimokratik Doolat Xisnuh Dooro dubuk Yan Gita

Addis Ababa, Caxah Alsak 16, 2018 (FMC) Leeda Partih Malah Buxah Madabiino Daffeyna Caxah Alsak 12 Ilaa 14 Sanat 2018 Sittalakeleh 3 Ayroh Gideh Addis Ababal Gexsitak Sugte Meqe Gurral Tumurruqe.

Malah Buxa, Madabiinoh Dafeynal, 7hytoh Amoladi Dooroh Baarle Bica Abak, Tawak Lafale Abtootat Akak Culak Geytimta.

Tahih Taagah ni parti taturte 6haytô amolladih dooroh ummattah abte xagana kee abte taamah afkan kusaaqissa hayteh 7haytô baaxoh addah dooroh amolladi bicitte nagay Kusaaqissa.

Agat caddol milaagi Qimbiseek lakal Leeda Parti ummattah abte xaganak tiyak teyni Dimokraasi Siiratih addat tanbulleeh tan baqitte Missosanama kinni.

Ta ajenxa, Maxcok ilaa abto fan Korisak xer safar edde anuk gabbatuuk gabbatu fan, kee mango gabbati taama gexsitteh margaqa kee fida luk safar amaan le xaloot luk Qimbisse.

Demokraasih siirat xisseh tan Abini abtootak fanak bood addat sugte siyaasâ caylitte sinni baaxo fanah gacissa heenih salaam giclot yangaloonuh, madqâ rakissoosa yaysiiseenim, Dimokraatik xisoosa maqarroosaanamy doolat masquuliyyat maqarrossaanam kee doolat masquuliyyat dadlisaanam edde anuk.