Malâ Buxah Adoytit Elle Doorimeenih Yanin Daqoorit Fan Oobak Awlaytiinô Taama Akah Aban Innah Rakaakaya Mijlis Seecooy Tatrusa.

Addis Ababa,Caxah-Alsa18,2018(FMC) Qafár Rakaakayak Mijlis Adoytit kee Malâ Buxah Adoytit Elle Doorimeenih Yanin Daqoorit Fan Oobak Awlaytiinô Taama Akah Aban Innah Mijlis Afteená Giftí Asiya Kamaal, Seeco Tatrusse.

Qafár Rakaakayak Mijlis Afteena Massakaxxale Gifti Asiya Kamaal Yuusuf, Abteh Tan Yaabal Inteemihiiy, Rakaakay Mijlisik Madqâ Maasayyak 88-90 Ugut Abak, Malâ Buxah Adoytit Sanat Addat Namma (2) Adda Elle Doorimeenih Yanin Dariifâ Fanah Oobak Ken Dooreh Yan Ayyunta Fan Oobak, Daddos Taamaay, Meqe Xiinisso kee Ayyuntiinô Caagiida Wagittaamal, Ummattak Uguttah Tan Esseroora Meexak, Wagitah Yan Dagar Raddi Akah Yacennah Abaanam Faxximtam Qaddosse.

Tohuuk Ugutak Ta Erga, Caxah-alsak 18/2018 Liggidah Axcih Beerîh kameesik Xabba Haanam Ummattah Awlaytit Elle Doorimeenih Yannin Daqoorit Fan Oobak Awlaytiinô Taama Gexsoonu Waanah Yaniinim Mijlis Afteena Giftí Asiya Kamaal Tescesse.

Ella-Caboh Malâ Buxah Adoytit Tabna ayroh Abak Sugtu Waytah Tan Awlaytiinô Taamak Gabbaaqu Hinnammay Amô Gacsa, Abnisâ Dagortii kee Federaalaak Wagitah Yan Dagar Raddi Akah Yaceennah Abeloonum Massakaxxale Mijlis Afteena Qaddosse.