Moojok Kafin Fordal Culma Kee Awqenti Carkal Maaqidda Kee Diwaata Labaratoori Qimbisen

Addis Ababa, Qado-Dirrik 30, 2018 (FMC) Itiyoppiyak Maaqidda Kee Diwaatah Abbatiino, Mexxat Lowsiisih Siirat Diggoysaanam Elle Xiiqan Moojo Kafin Fordah Culma Kee Mawqa Carkal Maaqidda Kee Diwaata Labaratoori Qimbisen.

Qaafiyat Malaakih Deeta Firehiwot Abebe Tamakkel Abteh Tan Yaabal:- Dooqayseenih Yanin Fokkaaqo Siirata Maaqidda Kee Diwaatak Qaafiyat Lowsiisih Qokol Takke Teknoloojit Cattima Labaratoori KInnimit Yabte.

Fokkaaqo Siiratal Mexxat Lowsiisiyyih Siirata Qasriino Akah Tallennah, Ummatta Qaafiyat Faxe Qawwalaylak Dacrisoonuh Yakkeh Yan Agat Caddibnih Macalih Mafdagak Tiyakteyna KInnih Tanim Qaddosse.

Baxaabaxsa Le Baaxooxak Tamaate Maaqidda Kee Diwaata Mexxat Dacrisak Baaxoh Adda Fan Culusaanam Kee Baaxok Tawqem Kaaduk Tama Bis Le Gurral Mexxat Akak Dacrisoonuh Kinnim Baxxaqisse.