Naharsi saqal Cajji Awwal Qarba Jibuutik Fayya le Miraaciinuh Mamaxxaga Yecee
Addis Ababa,Caxah Alsa 5,2018 (FMC) Qafar Agatih Rakaakayih Doolatak Naharsi Saqal Massakaxxa le Cajji Awwal Qarba Qafárre madqa Galli Maroh Eglak barittooy, Misso kee Qaadâ missoyna (UNISCO) yaysaqarroonuh bicsen walal gudguduh baxsale doori digirte Jibuutih ummuunok fayya le miraaciinu isi kutbeh buxal walalisak mamaxxaga Keenih yecee.
Der dabaanah qafár ummattâh edde xintá “Qafarré Madqa) UNISKOK amballe sinni daaranih luddal yaysaqarroonuh yakkeh yan macalal jibuutih ummuunoh wahan gamsih malaakah yan gifta Macammad Qabdulqhaadir kee naharsi malaakih kutbeh buxah saqal Najiib Qabdalla Kaamil tuybulleh tan fayyale uguugut kee qokoluh ta massakaxxah acwa keenih tontocowwe.
Ta miraaciini Jibuuti kee Samaral gexseenih yanin Qafárre Konferensitte meqe gurral bictuh yuybulleenih yanin baxsale doori luk sugeenim qaddowte.
Ta qadli siirat baxaabaxsale baaxooxal geytimtah tan qafár ummattah fantaaxawah naba doori lem kinnuk, tá siirat bayse num digaalaanam dibuk hinnaay tû edde tekke numuh leh yan xikca kee ummattah addal sarrimaane le saay kee salaam elle diggoowa gita fiirissam kinni.
Naharsi Saqal mamaxxagâ gudgudul elle yescesse innal, qafár ummatta leh tan qaadâ nihiritte qaalam yaysexeexegeenim dibuk hinnaay namma baaxoh fantaaxawah doori leh toobokiinu ginta abto kinnih tanim diggoyse.