Prezdenti Trump Iraanah Yece 48 Saaqatih Waadoh Maabitina
Addis Ababa,Qado Dirri 13,2018 (FMC) Ameerikah Prezdenti Donaldo Trump Iyyemihi Iraan Horomuz Boyna Qagitaak Fakeweenik Iraaak Cayli Raceenaanih Fantenaani Finqiseyyo Axcuk Yescesse.
Iraan Isikabuk Inteemihi:- Takkuwaytah Tan Maysattakooki Tekkek Dariifal Geytimtah Tan Ameerikat Angaaraw leh Tan Cayli Raceenaanit Gaba Gacsi Raddih Maysattaka Abelem Tiysixxige.
Affara Ayyaamih Gideh Gexsitak Geytima Fanti Maacih Qeebi Baad Caddol Kaxxa Qidaddo Kee Ayyuntiinô Taqabi Kataasak Geytima.
Baxsaluk Carbik Gexxamah Siraglee Lee Zaytih Tabeenah Yan Hormuz Boyna Iraan Aliftemik Gexxamah Cawlayitte Kaxxam Osak Beytam Tamixxige.
Hormuz Baddi Qaxih Alfimik Gexxamah Sukati Limo Kaxxam Osisak Mango Baaxooxah Maduur Kaxxa Gibdaabinat Culteh Geytima.
Pirezdanti Tirampi Ayyuntiinô Rattiimal Tatruse Farmo:-Iraan Hormuz Boynat Abteh Tan Alif 48 Saaqatih Addat Inkitanuk Fakewaytek Gibadah Tan Maysattaka Abenno Axcuk Baxxaqse.
Tahak Ugut Abak Iraan Qado Dirrik 23 Barak Qaxa Fanah fakewaytek Tama Caylih Raceena Inki Tanuk Bayiseyyo Axcuk Kassise.
Iraan Ameerikah Prezdenti Yeceh Yan maybitinak Ugutak Isikatuk Intemihi Iraanak Siraglele Fanteenat Takkuwayta Maysattaka Tanka Tekkek Ceelah Yan Gabagcsa Edde Abeyyo Axcuk Qaddosse.