Qado Marih Liggidak Sanat 2026 Itiyoppiya Baadak Tellemmoh Eglah Awlayto Akah Takenni Bici Akkuk Geytima
Addis Ababa,Ciggilta Kudo 21,2018 (FMC) Qado Marih Liggidak Sanat 2026 Itiyoppiya Baadak Tellemmoh Eglah Awlayto Akah Takenni Bici Akkuk Geytimam Baadak Tellemoh Eglak Bici Makaado Tiysixxige.
Tama Makaado Itiyoppiyak Mango Exxa Kee Nammay Takkok Bici Makaadol Yan Caalat Fokkaqisen.
Tellemmo Kee Dariifa Fantaxawih Malaakay Tonnah Bica Abe D/r Kasahun Gofe A Ayyamah Yekke Baadak Tellemo Eglah Koboxut Abe Gabah Assagollal Yanih Yan Meqe Xaluk Adda Faknu Abe.
Ila Taham Fanah Bacra Baaxoxa Lih Nammay Takko Qadaga Fantaxawih Bicitte Itiyoppiya Tellemmoh Eglah Awlayto Akah Takkennah Faxxima Caddot Tanim Tascasse Abto Kinnimit Yaabe.
Kalah Raqteh Tan Sagal Takke Tellemmoh Eglah Awlaytit Baaxoxa Lih Bici Sissikuk Gaba Akah Kalan Innah Taamitak Geytimanam Yescesse.
Tama Gudgudul Agat Makaadok 6Heele Taama Butta Koboxul Ugutteh Tan Mablooli Makaadol xayyosak Margaqa Elle Tatrusen.
Mettabinni Makaadok Butta 7Heele Taama Buttah Koboxul Faxximta Sanadittek Gaba Kalak Sekreteriyala Akah Xayyosan Innah Afkan Daffesenimit Yaaben.
Qado Marih Liggidak 2026 Itiyoppiya Awlayto Akah Takkennah Duddale Bicitte Abak Sittallih Taamite loonum Yiysixxige.