Qafar Madqa UNSCOl Yaskuttubrenim Elle Xioqan Baar Le Angagoyyo Akkuk Geytima
Addis Ababa, Agda Baxissok 06, 2018 (FMC) Qafar Madqa Galli Maroh Eglak Saynis, Baritto Kee Qaadah Egla (UNSCO) ol Yaskuttubeenim Elle Xiiqan Baar Le Angagoyyi Qimbimeh Yanim Qaddowte.
Ta Madqa Yaskuttuboonu Elle Oyta Elle Gaaboysanoonuh Hangi Le Konferensi Samara Magaalal.Gexsitele.
Tama Konferensi Caxah Alsak 03 Ila 5 Sanat 2018 Gexsitele.
Ciggiila Naharsi Saqalih Bilhadal Ayyuntiino Kilasterih Koobahoseey, Qaadaay, Qunxaaneyta Kee Esporti Biirok Saqalah Yan Gifta Caamid Hooda Kee Qafarak Afaay, Qaada Ker Aydaadi Kusaq Kee Cubbusso Fanteenak Leena Dayrekter Cabib Macammad Sitta Lih Maybalaalaqa Yecen.
Gifta Caamid Duula Tamakkel Abeh Yan Yaabal:- Madqa Sugeyti Ixxigak Exxak Teyna Kinnuuk, Boodityr Salaam Gital Akah Tanfixxigemennah Abak Geytima.
Ta Sugeyti Ixxiga Qaada Gital Bood Elle Yafxigen SIirat, Ummatta Fanal Yanih Yan Meqe Angaaraw Akah Diggoowannah Abtam Kinni Axcuk Qaddoose.
Tah Kinnuuk, Ta Kaxxa Nihir UNSCOl Xaggiime Sinni Qaada Nihirih Migaaqal Yaskuttuboonuh Baar Le Angagoyya Abak Geytimaanam Yiysixxige.
Qafar Madqa UNSCOL Yaskuttubeenimik Ossetinah, Gabah Xaggiime Sinni Daaranitte Yaskuttubeenimi Rakaakayak Qaada Kee Turuuzim Yayse Gurral Akah Uguuguttannah Qokol Allelem Qaddoose.
Qafar Afaay, Qaada Kee Aydaad Kusaq Kee Cubbussoh Inistitiyutuk Leena Dayrekterih Yan Cabib Macammad Is Le Katuk:- Tama Konferensil Rasi Idoolaay, Dardarwa Kee Sultaanitteey, Qafar Tu Taaxago Edde Angalelem Yiysixxige.
Tama Konferensil Qafar Madqa Wagittah Tan Nihirittel Walal Akkelem Kassiise.
Qafar Ayyunti Qasri Madqah Siiratak Ossetinah Madqa Gaar Kuruyyih Siiratih Exxa Edde Kinnih Tanim Warse.