Qafar Rakaakayak ibi koqosoh federeshin kee Qafar Rakaakayak ibi koqosoh aydakaakaniseh egla Itiyoppiyak ibi koqsoh federeshinit cattiimak aydakaakaniseenit aydakaakanay 10 Ayro suguwaa qimbisen
Addis Ababa,Ciggilta 15,2018 (FMC) Ta aydakaakanak fakkenta abe Qafar ibi koqosoh Federeeshinik taama selta makaadoh adytah yan Qalimirac macammad abeh yan yaabal Ibi Koqoso wagittaamal sugeh yan gexsit inkih yan qafarih qalaylil dubuh daqar migaq fayya haanamih hadafaksa Qafar xayloh digir kee duddal taamitaanam sugewayteemih taagah woo uddur aki rakaakayih xaylo xaamoonuh mango lakqoy ayyunti madduurul assam faxxiimak sugtek mangom edde finqitak sugtem kassise.
Away yan gexsitil duddale Qafar xayloy ibi koqosoh saynis baritak faxe rikel qalaltam xiqta ginoonuh yakke bica kinnim qaddoose.
Qafar caddol ibi koqosoh digir dadlisak inkih yan Qafar digirittel qafar akke sinni mari ane waaggidah taamitak geytimaanam Kassise.
Duma xisen dokon akah finqitem aydakaakaniseenit wayti kee kattaata miraaciinih boolak sugtem Yescesse.
Asaaku ibi koqosoh dadalah meqe fido fidisse doolat luk maqarle aydakaakaniseenitiy qafarak ibi koqosoh saynis caddol barissaah xissam xiqta geysissoonuh xissiime aydakaakaniseenit egla kinnim yiysixxige.
tonnah ibi koqosoh aydakaakaniseenit eglah kutbe abeenah yan seleman macammad iyyeemih Ibi koqosoh gexsitiy sugeh iyyak awquk ibi koqosoh digir faxah yan saynis isinnih barittaay ibi koqosoh dokonway duddale eyyeqqa heenih Qafar digiril duddale dokonwa xisaanamal taamitoonuh aban aydakaakan kinnim Qaddose.
Itiyoppiyak Ibi Qokosoh Federerashin qafar ibi koqosoh federeshinih isi caddol barisiyya kee kalah faxxiima qokol abuh bical yanim Itiyoppiyak ibi Koqosoh federeshinih awlayti Kassise.
Kalifa kadir