Qafar Rakaakayal sirray buqreh Daddoosih Caddol Baarale Taama Akkuk Geytimita

Addis Ababa,caxah Alsa 10,2018 (FMC) Qafar Rakaakayal sirray buqreh Daddoosih Caddol Akkuk Geytimita Taamoomi fooca fanah diggoose loonum Rakaakayak Buqre Kee Gino Gaddih Daddoosih Biiro Qaddosse.

Sirray Murti Baarisak Dariifah luk Bica Yan Dooren darayyata Xayyoosak Buqreh xiinah Ta luddal Assakat le Taama Akkuk Geytimitam Buqre Luddih Saqal Acmad Amiin Yescesse

Tonnah Ta Sanat Cagay Buqreh Sirray Buqreh 1,442 Hekiktaarak Dag Takke Baaxo yubqureenih Geytimaanam Yiysixxige.

Gaba makalak yawqoonuy maaqiddi caabi diggoosonuh Digga Luk Taamitak geytiman Murtisso kulli exxaaxil Baarisak Geytiman.

Sirray buqre Murtissok Ossotinah Ruuzuy, Kalah tan Murtitteh Samaday Nibaaxoh yakke kak meexak Samad Maysaasa kak Abak Taamitak xaloot Elle Ambullayuk geytima.

Satqo xayyoosih exxah Saqal Haarun Qali Iyyeemih Sirray Buqreh muritisso faxxiimah yan Uwwaytitte Xayyoosak Geytimaanam Qaddoose.

Sirray buqreh Daddoosih Taama Elle Akkuk Geytimita dariifal 15Alfi Yakke Marah Taama saami ginneenih Geytimaanam Tama Kutbeh Buxak Murti Daddoosih Dayrekterih Yan Cammadu Macammad Yescesse.