Qafarre Madqa Yuniskol (UNSCO) Yaktuboonuh Walal Konferensi Yamaateh Yan Caxah Alsah Gexsitelem qaddoysen.
Addis Ababa,Agda Baxisso 6,2018 (FMC) Tama qaffrrê madaqah konferesik hadafah tanim tama baadak barittoh kusaaqih fanteena yuniskol akah tankuttubennah abaanam kinnim Qafar Rakaakayak Ciggiila Perezxentih Bilhadal Ayyuntiinô Kilasterih Koobaahisey, Qunxaaneyta Kee Istarti Biiroh Saqalah Yan Gifta Caamid Dula Qaddoysem.
Tama Madqah Walal Elle Yakku Waah Yan Innih Bicitte Wagsiisak Qafar Rakaakayih Doolatak Ciggiila Perezdentih Bilhadal Ayyuntiinô Kilasterih Koobaahisey Qunxaaneyta Kee Istarti Biiroh Saqalah Yan Gifta Caamid Duula Xaagu Qawah Maybalaalaqa Yacee.
Tama Konferensi Qafar Rakaakayih Doolat koobaahisak, jibuuti doolatih Awlaytit Kee Qafarak Diihayleelaay, Rasi Kasle Kee Makaaboonuuy, Madqah Abbibti Kee Sultaanitte Elle Geytimtu Waytah Tanim Gifta Caamid Duulaay Qaddoysem.
Qaffarre madqa qafar ayyunti abuuk akaakayyuk magalgaalih edde antifiquk sugen madqa kinnih tanimiiy yescessen.
Tahat ossotinah Qafar elle geytimtah tan sidiica gaysak, inkih edde nantiqe qaaday inkih nee awlissa kinnimih taagah taham Qafar faxekkek tamaatay elle arcibisan daffeyna kinnih tanimiiy baxxaqisen.
Tama daffeyna caxah alsak 3-5 sanat 2018 I. L. L. samarâ magaalal gexsittu waytah yanimiiy Kassisen.
Qafarre madqa kee xinto sidiica gaysal geytimtah tan madqa kinniimih taagah Qafar Rakaakayat mayseedeyinnoy Jutiiti Dooalat kee Itiyoppiyah doolatih caddol akah takkennah abeenih yaniinim Qafarak afaay qaada kee Aydaadi kusaaqih fanteenah saqalah yan gifta Cabib Macammad Casan Qaddoysem.
Qafar madqa yaanah yaniinim Qafar qaadah luk sugte xintoy, edde mirracsimak sugte kinnih tanim Gifta Cabib Macammad Yescessen.
Qafar Abuuk akaakayyuk elle tan sidiica gaysal sitta elle xiinisak sugteh madqa madqa qafarre kinnimih taagah ta qaada baad aaxaguk yuniskol akah tankuttubennah aban Angagoyitte awayih uddur meqe caddol geytimtah tanimiiy yescessem.
Tama daffeyna ahak anaharal jubuutil gexsitteh sugteh tanim Qafar Rakaakayih awlaytit edde tangeleh sugtem Cabib Macammad Macammaday kassiisem.