Qaso dalka foyya abaanamih ayyam wagsiisak baracle daqaaral magaala nadaafattah taddira gexisen
Addis Ababa,Qado Dirri 27,2018 (FMC) Ta nadaafattah tadirataay Rakaakayak Buqre kee gino gaddih biirok naharsi saqal injiner yaasiin Qaliiy Rakaakayak Bolisi komishinik kutbe buxah saqal komander Zeynu qali kee Baracle Daqaarih miraaciinu edde tengeleh
Baracle daqaaral geytimah yan saay dacayrih adoytit kee mango baracle ayyunta saaku 12 saaqataak qimbisak gexisak maacisen nadaafatta taddiiral farmo tatruseh yan Rakaakayak buqre kee gino gaddih biiroh saqal injiner yaasiin qali magaal saytunnoosaanamat yan tuxxiiqik ayyunti foocal mangoomut yaabeeh
Baracle aydaaduleeh xerqumri le magaa kinnuuk nadaafatta kee xisne tet migaq kee karmah weelol teetit takkem faxximtam kassiiseeh
Away baaxo caddol yan afkanaak ugutak barri korixerih taama baracle magaalal akkelem kee koriider mango saytunaane kee dacayri faxaamih taagah baracleh ayyunti magaala saytunoosaanamal away edde caddook fayyahaak qaada isinnik abeenih sugaanam faxximtam kassiise
Bolis komishik kutbe buxah saqala kimander zeynu qali isinni dariifa saytunnoosaanam isinni qaafiyat dacrisaanam kinnim kassiiseek gamadalaay baracleh ayyunti qaafiyat isik dacrisuh aba taama dubuh hinnay saay kee salaam dacrisaanamal abah yan taama assakat lem yubluuseeh
Foocaffanah saayal abaanah yanin taama bisoh haak tamaate 7 heele dooro salaamah takkuh doolat xaqut soolak dooro salaamaay qadli kee ximokraasil takkuh isinni dirkik yawqeenim faxximtaamih farmo tatruse
Baracle daqaarak xinto saqal Gifta Qali cuseen islekabukuuy keenih aben seeco assakaxxuk anadaafattah taamal maaciseh yan ayyunta kee saay dacayrih dagarah gadda gacseek gamadal qaso dalka foyya aboonuh faxximtah tan nadaafatta kee kalah tan abinitti maqaroosak daqar caddol qado dalka amolladih akah foyyaasan innah taamat bisoh axceloonum qaddooseen.
Baracle daqar mango xooqoh xiina kee tellema abeenit elle tan daqaray tabaatabta dalkah fixixih sabab takke ummattah manga elle geytimta kinniimih taagah ayyunti isinni dariifa saytunnoosak qaafiyat exaaxi taceeh tan afkanitte diggal abbinoosaanam faxximtaamih farmo tatruse.
Kalifa kadir