Qidaddo Mango Langi Kinniimih Taagah Qusba Gadda Leela Hadlimtam Xiiqimte

Addis Ababa,Ciggilta Kudo 28,2018 (FMC) Baaxo Qidaddoh Baxaabaxsa Leh Tan Taama Qusba Gadda Kee Ixxiga Ginaanam Xiqqimteh Tanim Naharsi Malak Abiy Acmad Qaddoose.

Addis Ababah Jaamiqat xissimteek 75 heele sanatih qaffayda wagsiisak gexsen walal gudgudul naharsi malak Abiyyi Acmad xayyowak walal kellih abe.

Too bis luk uddurut, usuk qaddoyseh, Doolat ityoppiyah qidaddo dibuk inki sekteril qekuh gactaamak baxaabaxsa haanam abte taama xalot geyte.

Abiyyi Acmad (D/r) Tahak Baxaabaxsa Le Luddittel Qusba Gadditte Geyaanam Kee Ixxiga Tabsiyyi Bicale Rooriciino Gintem Qaddoose.

Ceelalloh, Maqdiin luddal dumah Itiyoppiyal bood raceena axcuk lowsimak sugem kassiise; Takkay ikkah, usug awayih uddur xaloot le taama akkuk geytimtam qaddoyse.

Taturte Lica Alsitteh Addat Iroh Ruuben Dahab Qadad Liggidak Amolladi Iro Baaxoh Ruubak Nabah Yanim Yescesse.

Mango qidaddo aracat gactam duude waytam baxaabaxsale luukusa sinnim, toh faximtah tutaaxagooy, canka sekter kee ayyunta edde angaluk.

Tutaaxagô gabat agle agat xisne kee qidaddo taamoomi fayxih caagid hinnay doolat polisih afkan kinnim.