Rakaakayak Barittô Biiro Qafar Taalent Akkaaxamih Barittoh buxal baritak geytimah yan barteenitih Iftaar Taddeera Gexsen
Addis Ababa,Caxah Alsa 26,2018 (FMC) Rakaakayak Barittô Biiro acarra Qafar Taalent Akkaaxamih Barittoh buxal baritak geytimah yan barteenitih massosseh/ abteh tan Iftaar Taddeeral Rakaakayak Barittô Biirok Naharsi Saqal, Gifta Muusa Adam Miraacisah Biirok Miraaciini Makaadoh adoytit kee Samara Jaamiiqatih president Dr Macammad Qusman kee Adam Qali elle Geytimak Taalent Akkaaxamih barteenit lih qax meqe gurral yufturen.
Tama iftaar aracal Taalent Akkaaxamih Xayrekter Gifta, Acmad Canfaxe kee kay barteenit baritto biiro keenih abteh tan iftaar Taddeera kee Rakaakayak Barittô Biiro kee Samara Jaamiiqat keenih abak geytimaanah yanin qokoluh kulsale Gadda Gacisak, iftaar Taddeera Meqe gurral Aben.
Ellecabol Rakaakayak Barittô Biirok Naharsi Saqal, Gifta Muusa Adam kee Samara Jaamiiqatih president Dr Macammad Qusman Qafar Taalent Akkaaxamih barteenitik mangom Qambaalanam keenih qaddoysak faxxiimah Yan meqe fayu keenih abe Axcuk Rakakayak Baritto Biiroh Oyti Yascasse.