Rakaakayak Daga Raqta Sangerra cokmih buxa Cokmi gexsitit sissika kee Qadliinol Qusba Gurral Teknoloojit Cattiimak Elle Taamitaanam Elle Xiqan Gexsitik Qimbisiisiyyi Taddeera Gexsen .

Addis Ababa ,CiggiltaKudok 22,2018(FMC) Qafar Rakaakayak Daga Raqta Sangerra cokmih buxa Cokmi gexsitit sissika kee Qadliinol Qusba Gurral Teknoloojit Cattiimak video conference kee E-filing,tonnah cokmi buxah addal kalah tan taamoomi Qusba gurral Abtuh Abbinoysaanah yanin taamak qembisiyyi Taddiira Samara Kee Aysaqiital Gexsen.

Tama Taddiiral Qafar Rakaakayih Doolatak Naharsi Saqal Massakaxxa le Cajji Awwal Qarba kee Federaalak Daga Raqta Sengarra cokmih buxah berzxenti Tewoxroos mihrat elle geytimak gexsen.

Rakaakayak Naharsi Saqal Massakaxxa le Cajji Awwal Qarba tama Aracal Cokmi Siirat Qasri Teknoloojit korisak Abaanama yaanam Ummatta Cokmi Ayfaafay Qadliinol elle Aniinnaan Dariifal taqbekal kak geytah tan Ayfaafay gexsit kinnih tanim yescesse.

Ta Ayfaafay Raqteh tan Rasittey, Magaalol Xiinissosa Kee Daqooriitol Baarisak Gexloonum yescesseh, yan Naharsi Saqal Massa kaxxa le Cajji Awwal Qarba Taham milaagi Doolat Ummattah Ayfaafay Qasriino le Gurral Diggosuh Abah yan Macalak exxak teena kinnim qaddoyse.

Rakaakayak Daga Raqta Sengarra Cokmih Buxah Perezxenti Muusa Qabdo Taham Milaagi Doolat Ummatta Qadliino le Cokmi Qasri Elle Arcibisa Gurral Geytuh Abeh yan Macal kinnih tanim Ascassuk, Ta Gexsitil Faxe Num elle Aninnaan Dariifak Cokmi Ayfaafay video Konforesil Rasuy, Rakaakayak ilaa Federaala Fan geelem diggoyse.

Ta Gexsit GarKura Kee Caagid leh yan Dagarih fanih Angaaraw Daggoosak Qadliino le Cokmi Ayfaafay Diggoowuh Meqe Doori Aallelem Baxxaqisenim Qafarak Mangaffa Rettimah Oyti Yascasse.