Rakaakayak poolis komishiin komishneer Bilqe Acmad ganuunuk iroh qafar Rakakaakyih bagut radak aban faxxiime sinni safar wagsiisak Maybalaaqa yece.

Addis Ababa Ciggilta Kudo 29,2018 (FMC) Qafar Tv Luk Angaaraw Abeh Yan Rakaakayak poliis Komishiin Komishineer Bilqe Acmad Iyyeemih awayyih uddur gaanuunuk iroh yakke safar akak yakkem qafar baaxo akke waytam kee ta Safar aki rakaakayayittek qafar baaxoh bagut radak faxxiime sinni makte kee makes abah yan safar kinnuk ninni katuk baxsle macal kee taamoomi Elle abak geytimna Yaanam Iyye .

Qagitaak kumshineer bilqe acmad Elle qaddoyseh Yaninnalaay gerisi rakaakayak qafar baaxoh bagut radak yakkeh yan safar sinaamat abtah tanim sahadayti baxah acsube sinni Mardi gaabossah tan gersi rakaakayak sinam bahatah tan askoblay abtah tan gariqiinu kee faxxiime sinni taamoomi sehdayti baxal Ilaa Raba fanah sinam beyta qawwalaylooli amballayuk geytimtaamih taagah rakaakaya caddol faxximma inta tamoomi Elle abak geytimaanam kee ta 6 alsih addat make kee maksel aben taamoomi kee macalal 7900 daga takke kublay kee askublay lowsis gubat haak Lee baaxo fanah gaciseenih Yaniinim Diggoose .

awayyih uddur Tama safar akke wayuh amaara rakaakayak poolis kumsinni lih meqe fantaaxaw abak Geytimaanam Ascassuuk qafar rakakaya poolis kumushiin gaanuunuk iroh yakke safaral faxximah yan kattat kee lowsis taamoomi Abak geytimatam baxxaqise.

Illacabol kumshineer bilqe acmad tamaa faxxiime sinni safaray qafar rakaakayih bagut radak yakke wagsiisak tatruse farmol ta caagid ayyuntaay poolis xagaraay qunxaaneytaay miraaciinuy baaxoh idoolay sayyooy inkih ta safar soolisaanam kulli marih dirki kinnuk inki mogoy kee qanxaffe edde haysitak Make kee Makse safar qafar baaxok migaqa baysa sitta lih gacak waasanam faxximitaamih farmo tatrusem Qafarak Mangaffa Rettimah Oyti Yascasse.