Rakaakayak Qaafiyat Biiro Lecey Takke Hospitaalittek Tewqeh Tan Mihratleelah Aydakaakan Yaceen.
Addis Ababa,Agda Baxisso 18,2018 (FMC) Rakaakayak Qaafiyat Biirok Dawaata Kee Qaafiyat Mansoofah Xiinissoh Xayrekteret 6 Takke Hospitaalittek Tewqe Pharmacy Mihratleelay, Maaliyyah Mihratleelay Kee Ooxit Mihratleelah Ayadakaakan Yaceenim Tamixxige.
Ta Aydakaakanak Lafale Hadaf Hospital Caddol Culenta Kee Awqenati Lowsiisiy, Ooxit Diggoysaanamay, Dawaatak Loowo Diggoysaanamay, Faxxiima Oyti Ummattat Tabsanamay, Esseremiyya Siirat Diggoysaanam Kee Tonnah Kaadu Taama Abeenit Isi Taama Nagay Maqar Luk Akah Abtannah Absiisa Siirat Kinnim Tamixxige.
Tama Aracal Geytimak Yab Abteh Sugtem Qaafiyat Biirok Dawaata Kee Qaafiyat Mansoofah Xiinissoh Xayrekterih Yan Gifta Saqid Macammad Kinnuuk Iyyeemih Ta Aydakaakan Mango Tuxxiq Le Aydakaakanay, Sarrah Sin Yanfaqu Waa Kinniimih Taagah Nagay Katattanam Kee Abinal Asissaanam Siinik Qambalsimta Axcuk Farmo Tatruse.