Rakaakayak Sayyo Kee Ayyuntiino Caagidah Biiro Carbit Biyaakitte Daqoortil Taamitta Aygagad Kee Daddos Cugayso(3R-4-CACE) Nammay Hayto Mafdagak Taama Qemisisiyyi Tadeera Samara Magaalal Gexsen

Addis Ababa,Ciggilta Kudo 30,2018 (FMC) Tama Gudgudul Rakakaayak Ciggila President Bilhadal Ayyuntiino Kilaster Koobahise Kee Qaaday Qunxaaneyta Kee Dagar Diigi Biiroh Saqal Gifta Caamid Dulla Kee Maglablela Elle Geytimte.

Tama Cugayso Yamate Inki Sanatah Koona Daqaaral Taamitah Yan Cugayso Kinnih Tanim Timixxige.

Tama Cugayso Baxsaluk Sayyot Yakkeh Yan Ganasaqoh Raddi Yaceem Xiiqah Yan Cugayso Kinnih Tanim Kee Qaafiyat Fanteena Kee One stop center( Xiisak Baxsaluk Sayyoh Ayfaf Yaceem Xiiqah Yan Cugayso Kinnih Baxxaqsen.

Tama Cugayso Naharsi Mafdaga Tatre Sanootah Addat Kilbatti Carbi Elle Sugeh Yan Dariifal Baxaabaxsale Xisnena Taamoomi Abaak Temeeteh Tanim Yescessen.

Tama Cugayso caxxaleqeela:- Baracale, Konnaba,Uwwa Kee Qaddaqar Daqaaral Taamittah Tan Cugayso Kinnih Tanim Timmixige.

Tama Aracal Geytimak Yabti Fakkenta Abteh Tanim Rakakaayak Ciggila President Bilhadal Ayyuntiino Kilaster Koobahise Kee Qaaday Qunxaaneyta Kee Dagar Diigi Biiroh Saqal Gifta Caamid Dulla Iyeemih Ta Cugayso Tatre Sanootah Addat Naharsi Mafdagal Xisne Caddol Mango Taama Abak Yemeeteh Yanim Kasisak Nammay Hayto Mafdaga Taama Qeemisah Tan Uddur Naharsi Mafdagal Nuybulleh Nan Xaloot Ta Namma Hayto Mafdagal Naybullem Faxximtah Tanim Yescesse.

Ciggilak Rakaakayak Sayyo Kee Ayyuntiino Caagida Biiro Saqla Gifti Fatuma Macammad Inteemih Geyneh Nan Cugayso Elle Faxximta Innal Antafaqamuk Abbinosol Maglablelak Sittaluk Taamitam Faxximtah Tanim Tescesse.

Tama Cugaysok 2 Hayto Mafdaga Baxsaluk Dagar Erkannalelah Tan Sayyo Kee Alaaqa Hangit Haak Taamitah Tanim Gifti Fatuma Tahallih Tescesse.