Salaam Rabak Nuwway Egla 600 Daga Takke Qayxixah Sartan Qokol Aben
Addis Ababa,Qado Dirri 7,2018 (FMC) Salaam Rabak Nuwway Egla 600 Daga Takke Qayxixah 2.7 Millino Takke Lakqot Xaamen Sartan Qokol Aben.
Yamateh Yan Soom Qiidi Sabab Abak Salaam Rabak Nuwwya Egla Qafar Rakaakayal Geytimtam Qayxixay(inonti Kee Abbobti Allewaytah Sartan Qokol Aben.
Ta Egla 2.7 Daga Takke Lakqo Ayyaquk Aben Qokoloy Kinni.
Ta Qokolih Aracal Geytimak Yab Abteh Tanim Qafar Rakaakayak Islaminna Caagida Mala Buxak Kutbe Abeenah Yan Doktor Macammad Cussen Iyeemih Sitat Qokolanah Sitta Catanam Ni Ayyuntak Sugeh Yan Aydadu Kinnih Tanim Kasisak Ta Egla Abteh Tan Qokol Raaqte Eglalih Celallo Takkem Xiqta Abtto Kinnih Tanim Yescessen.
Baxsaluk Qayxixa Esseranah Gufne Abanam Yallih Garil Kaxxa Tuxiq Leh Tanim Ascasuk Ta Egla Mango Sanoota Abak Geytimta Abinitte Asakatleh Tanim Kasisse.
Salaam Rabak Nuwway Egla Saqal Gifta Qabdalla Getachaw Isi Le Gambik:-Ta Qokol Arac Xagu Akah Xiqem Baaxoh Adda Kee Iro Baaxol Geytimta Meqem Abitto Dagorti Abteh Tan Fayya Le Qokol Kinnih Tanim Qaddosen.
Ta Egla Qayxixah Kulli Sanat Baxaabaxsale Qokolitte Abak Temeetem Kasisak:-Ciggila Ta bisle Qokolitte Diggoysak Gexonu Waanah Yaninim Diggoyse.
Ta Sartanih Qokol Rakaakay Gubat Geytimta Daqoortik Kallowan:-Dubte:-Carruka:-Aysaqita:-Sifra:-Uwwa:-Warar:-Baracale:-Xalol:-Dawwe Kee Talalakay Kinnih Tanim Qaddowte