Sergalele wagittaamal Baad kee baaxo caddol Yan caalat Wagsiisak Maglableela luk Walalen.
Addis Ababa,Qado Dirri 9,2018 (FMC) Siraglele wagittaamal baad kee baaxô caddol yan caalat kee rakaakay doolat yeeceh yan afkan wagsiisak maglableela kee Madiya lewannonti luk walal gudgud Gexsen.
Qafar Agatih Rakaakayih doolatak kabxaa kee Qadaaga daddosih Biiro kee Rakaakayak poolis Komishinih kobbahissol sansi aw Siraglele wagittaamal baad kee baaxô caddol yan caalat kee rakaakay doolat yeeceh yan afkan wagsiisak maglableela kee Madiya lewannonti luk walal gudgud gexsite.
Tama walal gudgudul sansi(siraglele) gaanunuk iroh yan gexsitiy yanbulleh yanik faxximah yan lowsis yakkuh madiya lowannoti kee saay xagorti sittaluk gacak yanbulleh yan taqbih fidgah baxsale hangi cayuk taamitanam faxximtam kabxaa kee Qadaaga daddosih biiroh saqal Gifta Acmad Qabdurkadir diggosem kee qadli leh tanih tan sansi keffiyyo tanuh gaanunuk iroh taamitah takkeh tanih tan gexsititel maqarleh tanih gaanun maaqata gexu waytah tanim Yescessen.
Tonnah rakaakay poolisik Naharsi saqal Komishiner Bilqe Acmad sansi wagsiisak takkeh tan gaanun sinna tellemol saay cayli baxsale lowsis kee kataat ablonum Kassisen.
Ellecabol tama walalat tengelleh tan maglableela sansi wagitak yan caalat kee afkanal meqeh yan tû ced geenim qaddooysak isinni dirkik awqeloonum diggoysen Rakaakayak doolat angaarawih kutbeh buxah qaddossen