Siragle Leet Yantifiqenim Elle Qidaadisan Innih Afkanitte Abtol Asisaanam Faxximta-Gifta Awwal Qarba

Addis Ababa,Qado Dirri 17,2018 (FMC) Siragle Leet Yantifiqenim Elle Qidaadisan Innih Afkanitte Abtol Asisaanam Faxximtam Qafar Rakakayih Saqal Gifta Awwal Qarba Qaddose.

Rakakayak Naharsi Saqal Elle Geytimak Tellemmo Kee Qadaga Daddosih Fanteenah Biiro Bicisse Siragle leeh Affafih Xayyosiyyih Siirat Yaysiseenim Elle Xiqan Sanadal Walal Gexsen.

Gifta Awwal Qarba Tama Aracal Iyyemihi Siragle leeh Afffih Xayyosiyyih Siirat Qadliino Kee Essersimiyya Akah Yallennah Takkem Faxximtam Yescesse.

Fanti Maacal Yan Kookaxawak Gexxamah Ankullukuk Geytima Siragle Lee Taqabi Ayyuntal Taqabi Akah Kataasewannah Liwsis Maqattoti Akah Beyan Innah Kassise.

Siragle Lee Wayto Akah Yaysisen Innah Daffeseenih Yanin Maqattoti Abtol Asisaanam Faxximtam Kassisak Kulli Miraciini Lowisi Akah Aban Innah Abanam Faxxmtam Rakakayak Angaaraw Biiro Fana Midiya Korporashionih Qaddosse.

Yeyyeqeenih Yanin Sanad Inkih Tan Maddiyaayi Fanah Ruubak Inkih Tan Siragle Lee Maddiyaayi Abtol Akah Asissannah Abanam Faxximtamal Afkan Daffesen.

Doolat Elle Kala Inteh Teyyeqeh Tan Innak Iroh Kalah Tan Maddiyaayi Kee Exxaxi Ossotina Abeenik Maqatta Akah Beyan Innah Doolat Maqattoti Beyak Geytima.