Taturte 8 Sanootah addat Yemeeteh Yan Milaagu Qokolta Soolo Aysaqiiti Magaalal Gexsen .

Addis Ababa ,Qado Dirri 28,2018 (FMC) Qado-Dirrik 24,2010 Liggidaak Xabba-haanam Taturte 8 Milaagi Sanootah Itiyoppiyaay Baxsa Luk Qafar Addat yemeeteh Yan Milaagu Qokoltah tan Soolo Aysaqiiti Magaala Kee Barri Daqaarih Ayyunti Gexsen .

Rakaakayak Sayyo Kee Ayyuntiino Caagiidah Biirok Ayyuntiino Langil Ciggilta Saqalah tan Gifti Nasro Qudda Miraacisak Rasuuy, Magaala Xiinissooy, Daqaar Miraaciinuuy Inkih tan Ayyunti Exxaaxi Edde Tengele Qokol Soolo Asaaki Macsenta Aysaqiiti Magaalal Gexsak Maacisen .

Efederih Doolatak Naharsi Malaak Dr Abiyyi Acmad Reeda Yibbixeh Yan Ayrook Xabba-haanam Inkih tan Itiyoppiyal Kulli Luddal Milaagu Le Taamoomiy Ummattah Xaloot Le Akkuk Geytintam Tamixxige .

Qokol Aracal Geytimaak Yab Abteh Tan Gifti Nasro Qudda 8 Sanatih addat Yemeete Milaaguk Qaffayda Yassakaxxeenim Dibuh Hinnay Tekkeh tan Xaloot le Taamoomi Abinah Edde Tumbulluye Udduur Kinnih Tanim Qaddosse.

Ummatta Sooloh Elle Yewqeh tan innal Dooro Karxi Beytam Faxxintam Kee Dagoo Udduuruk Lakal Takku Waytah Tan Dooro Saay kee Salaamah Takkuh Ummatta Isinni Masquuliyyatak Tawqem Faxxintah Tanim Gifti Nasro Qagitaak Abteh tan Yaabal Diggosse.

Milaaguk Duma Qafar leh tan Gino Gadda kee Aydaadu Kak Buuleenih Sugen Ayyunta Kinnim Kassiiseh Yan Awsi Rasuk Leeda Partik Xisne langih saqal Gifta Cabiib Macammad Qafar Ummatta Geyteh tan Saamit Antufiquk Geytintam kee Qafar Ummatta 8 Sanatih addat Geyteh tan Saami 27 Liggidih addat Geyteh Sugewaytem Diggoose.