TPLF gaadule adoobisuh daddos miizaaniyyat antifiqquk geytimta-Naharsi Malaak Abiy Acmad (Dr)

Addis Ababa,Caxah Alsa 25,2018 (FMC) Federaal Doolatak Daddos Miizaaniyyat TPLF Gaadule Akah Takkennah Abak Geytimtam Naharsi Malak Abiy Acmad Qaddoose.

Naharsi malaak Abiyyi (Dr) Tigray afah abeh yan walalal elle qaddoysennal; TPLF miraaciinuu kee adoytiitik baxsimteh ummattak ittat baxsimteh tanim takkay immay uxih qaskariyyoh gulgulussoo kee itopiyah sad caylittellih massoysak tigray rakaakay dadalak xeerih haytam kinni.

Naharsi Malaak, Federal Doolat Daddos Mizaaniyyat Akah Taamitan Innah Abak Geytimtam Qaddoose; Rakaakay kaaduk dahab innah tan maqaadin yayyaaqeenim kee silaacitte xaamoonuh edde yantifiqeenim qaddoysen.

Naharsi malaak elle yescessennal ta butta “dooro borxik yewqeh suge” kee “duffumte maritte madaara” inta sababittel carbi uguugusuh gibbatak geytimaanam warse.

Takkay Ikkah Doolat Tigrayal Wali Qeebi Qimbise Waytam Kassiiseeh, Tigray Qunxaaneyta Kee Gaadule “Qeebi Cinna” Axcuk Qaddoose.

Abiyyi (Dr.) elle qaddoysennal TPLF ummattah fanat yan niya lowsiisak gexxaamih taagah iroh caylittel xayyowte; usuk yescessem ummatta daddos faxxam Tigrayal, gersi rakaakayitteh innah, butta dubuk carbi xaagitte baxcisak geytimta.