Tutaaxago Inki Daalisso Hadalak Baaxô Dadalah Foyro Yyakkeenim Keenik Qambaltam

Addis Ababa,Ciggilta Kudo 28,2018 (FMC) Tutaaxago Inki Daalisso Hadalak Dadalte Itiyoppiyay, Leeda Le Assaq Elle Dardaarime Hadlimtuh Taama Fillal Akak Tan Mara Kinnim Naharsi Malak Abiyyi Acmad (D/r) Qaddoose.

Addis Ababah Jaamiqatak 75 Heele Sanatih Qaffayda Wagsiisak “Tutaaxago Doori Baaxô Dadalah Leh Yan Doori” Iyyah Yan Immuntal Gexsen Walalal Naharsi Malak Abiyyi Acmad Elle Qaddosennal:- Miraaca yaanam isik yayseeeh, isil yaabam duudaah, is ankacisam duuda num yakkem faxximtam Kassiise.

Kulli luddal yomcowwe miraaciinu baxisak ayfaf tace tutaaxago agat bisô dadalah kaxxa tuxxiiq lem naharsi malak abiy diggoose.

Naharsi malaak kaaduk mixig wakti sissik faras kinnim aaxaguk kulli uddur gitah yan hadafah yantifiqem duudam faxximtam qaddoyse.

Itiyyobiya Baacah Addat Yayyaaqeenim kee Inkih Yan Leeda Fanah Yayyaaqoonuh Mixig Doori Tuxxiqle Axcuk Qaddoosak, Xalot Le Taama Aboonuh Qimboh Addah Isinni Lowsiisoonuh Seeco Xayyose.

Tama walal gudgudul mangoh tan tutaaxago kee jaamiqat ayyuntih adoytit edde tengelem timixxige.