Uddur Fanah Girah Ugrah Sooloh Mabalay Iraanah Xayyoseeni Iraan Oggolewaytam Tiysixxige
Addis Ababa,Qado Dirri 29,2018 (FMC) Iraan,Ameeriak Kee Isaraail Edde Culte Carbi Uddur Fanah Akah Soolisan Innih Malay Xayyoseeni Iraan Oggolewayteemit Yaaben.
Paakistan Bical Gexsitak Geytima Saalamah Xayyosen Mabla Sissikuk Girah Ugra Akah Soolisan Inna Kee 20 Ayroh Addat Sarrimaane Le Salaam Sittin Gey Akah Yakkennah sugte.
Iraan Isi Katuk Ameerika Xayyosseh Tan Uddur Fanah Gira Soolo Akah Takkennih Mabla Cintem Kee Takkay Ikkah Carbi Akah Solanna Faxxenik Taakume 10 Qaynatih Mablooli Daffesse.
Tahraan Isi Katuk Ameerika Xayyosseh Tan Uddur Gira Sooloh Ekraaro Cinteh Tanim Kee Bood Calli Akah Yakkennah 10 Caalat Daffesse.
Iraan Xayyosseh Tan Taakume Bicittek Iraanal Heen Baad Caddoh Kaltaxxibix Akah Ugusan Innay Israail Cizbullat Abta Maysattaka Akah Soolissanna Axcuk Xayyosse.
Toh Tekkek Gacsah Iraan Hormuz Akah Faktannay Amni Le Angagoyyitte Akah Takkennah Abelemit Yabte.
Amerikah Prezdenti Donaldo Trum Iyyemihi Iraan Hormoz Fakewaytek Cayli Raceenaanit Gibdi Maysattakooki Abeyyo Iyyeh Sugem Kassitna.