አዲስ አበባ፣ መስከረም 7፣ 2016 (ኤፍ ቢ ሲ) በምክትል ጠቅላይ ሚኒስትር እና የውጭ ጉዳይ ሚኒስትር ደመቀ መኮንን የተመራ ልዑክ በኒውዮርክ እየተካሄደ በሚገኘው 78ኛው የተባበሩት መንግሥታት ድርጅት (ተመድ) ጠቅላላ የመሪዎች ጉባዔ ላይ እየተሳተፈ ነው፡፡
ጉባዔው በዘላቂ የልማት ግቦች ላይ እየመከረ መሆኑን የውጭ ጉዳይ ሚኒስቴር መረጃ ያመላክታል፡፡
የኮቪድ-19 ተፅዕኖ፣ የአየር ንብረት ለውጥ እና የጂኦፖለቲካዊ ግጭቶች ሀገራቱ የቀረጿቸውን ዘላቂ የልማት ግቦች ሀገራት ባቀዱት የጊዜ ሠሌዳ መሠረት እንዳይተገብሩ ማስተጓጎላቸው ተገልጿል፡፡
የተመድ ዋና ጸሐፊ አንቶኒዮ ጉቴሬዝ በጉባዔው ላይ ባደረጉት ንግግር÷ “ማንም የማይገለልባት የበለጸገች እና ሠላማዊ ዓለምን ዕውን ለማድረግ ጊዜው አሁን ነው” ብለዋል፡፡
“የዕድገትና ትራንስፎርሜሽን ዕቅዱን ለማሳካትም ጊዜ ያለፈባቸውን የፋይናንስ ተቋማትና ማዕቀፎች መለወጥ እንደሚገባም” ነው ዋና ጸሐፊው ያሳሰቡት፡፡
#Ethiopia
ወቅታዊ፣ትኩስ እና የተሟሉ መረጃዎችን ለማግኘት፡- ድረ ገጽ፦ https://www.fanabc.com/ ፌስቡክ፡- https://www.facebook.com/fanabroadcasting ዩትዩብ፦ https://www.youtube.com/c/fanabroadcastingcorporate/ ቴሌግራም፦ https://t.me/fanatelevision ትዊተር፦ https://twitter.com/fanatelevision በመወዳጀት ይከታተሉን፡፡ ኢንስታግራም፦ https://www.instagram.com/fana_television/ ቲክቶክ፦ https://www.tiktok.com/@fana_television
ዘወትር፦ ከእኛ ጋር ስላሉ እናመሰግናለን!